विविध मान्यवरांसह 21 आंबेडकरी गायकांची उपस्थिती ; निमंत्रक सागर भवते यांची माहिती
गौरव प्रकाशन तिवसा प्रतिनिधी : महाकवी वामनदादा कर्डक यांचे स्मृतिदिनाचे निमित्ताने प्रकाशदीप बहुउद्देशीय संस्था वरखेडचे वतीने शुक्रवार दिनांक 15 मे रोजी तिवसा येथील महालक्षी सभागृह येथे पुरस्कार वितरण समारंभ तथा सत्कार सोहळा विविध मान्यवरांच्या उपस्थितीत आयोजित करण्यात आला असल्याची माहिती संस्थेचे अध्यक्ष तथा निमंत्रक सागर भवते यांनी दिली आहे.
शुक्रवार दिनांक 15 मे रोजी महालक्ष्मी सभागृह तिवसा येथे सायंकाळी 6 वाजता आयोजित पुरस्कार वितरण समारंभ तथा सत्कार सोहळ्याच्या अध्यक्षस्थानी ज्येष्ठ आंबेडकरी साहित्यिक सुदाम सोनुले राहणार असून समारंभाचे उद्घाटन उपविभागीय अधिकारी अनिल भटकर करणार आहे. उपजिल्हाधिकारी ज्ञानेश्वर घ्यार यांचे हस्ते पुरस्कार वितरण करण्यात येणार आहे. समारंभाला प्रमुख उपस्थिती म्हणून तहसीलदार मयूर कळसे, गटविकास अधिकारी अभिषेक कासोदे, साहित्यिक इब्राहिम खान उपस्थित राहणार आहे.
संस्थेचे वतीने विशेष पुरस्कारार्थी म्हणून भारतीय बौद्ध महासभाचे राज्य संघटक विजयकुमार चौरपगार, साहित्यिक सुषमा पाखरे, साहित्यिक रवी दलाल, प्रसिद्ध गायक आकाशराजा गोसावी, गायक संविधान मनोहरे यांना गौरविण्यात येणार असून सामाजिक, शैक्षणिक, सांस्कृतिक, धार्मिक, वैद्यकीय क्षेत्रात उल्लेखनीय कामगिरी करणारे भंते अभयनायक, उद्योजक रोहित धोंगडे, गटविकास अधिकारी डॉ. चेतन जाधव, नायब तहसीलदार आशिष नागरे, डॉ. रवींद्र मुंद्रे, विस्तार अधिकारी राहुल कांबळे, इंजिनिअर अतुल रामटेके, डॉ. तलमले, प्रा. दीपक धुरंधर, डॉ. सपना केने, गायक किशोर सरदार, ॲड. किरण यावले, सामाजिक कार्यकर्ते गजानन रामटेके, पत्रकार प्रशांत कांबळे, ग्रामसेवक सुनील मोंढे, विजय भिसे यांची विशेष गौरव पुरस्कार करिता निवड करण्यात आली आहे.
● हे वाचा – स्थूलतेचे दुष्परिणाम जाणा ..!
सदर समारंभ प्रसंगी तिवसा तालुक्यातील सामाजिक कार्यकर्ते, पत्रकार, धम्मसेवक, कलावंत, यांचा विशेष सत्कार मान्यवरांचे हस्ते होणार असून सोबतच अमरावती जिल्ह्यातील 21 आंबेडकरी गायकांचा प्रबोधनात्मक कार्यक्रम पार पडणार आहे. यामध्ये गायक मिलिंद खाकसे, शुभम खडसे, मुन्नाभाऊ धानके, सुरेश लोहे, राजेंद्र गाडगे, अनंत थूल, दिनेश भोमकाळे, जितेंद्र मोटघरे, मोहन इंगोले, सुनील आसोडे, विलास सोनाने, निलेश पारवे, विनोद वैद्य, पुंडलिक नागदेवते, शिलन गडलिंग, जितू गडलिंग, सचिन मनोहरे, राहुल गवई, कैलास दूधे,विनायक नागदेवते, तेजस तायवाडे सह आदी गायक उपस्थित राहणार आहे.
सदर समारंभाला तिवसा शहर व तालुक्यातील सर्व जनतेने उपस्थित राहावे असे आवाहन संस्थेचे अध्यक्ष तथा निमंत्रक सागर भवते यांनी केले आहे.
