आजकाल शहरांबरोबरच ग्रामीण भागातही खाऱ्या किंवा हार्ड वॉटरची समस्या वाढत आहे. अनेकजण पिण्याच्या पाण्यासाठी फिल्टर वापरतात, मात्र केस धुण्यासाठी त्याच पाण्याचा वापर केला जातो. यामुळे केस गळणे, कोंडा वाढणे, केस कोरडे होणे आणि चमक कमी होणे अशा समस्या निर्माण होऊ शकतात.
तज्ज्ञांच्या मते, हार्ड वॉटरमध्ये कॅल्शियम, मॅग्नेशियम आणि इतर खनिजांचे प्रमाण जास्त असते. हे खनिज केस आणि टाळूवर थर तयार करतात. त्यामुळे शॅम्पू नीट काम करत नाही आणि केस हळूहळू कमकुवत होतात.
केसांचे नुकसान कमी करण्यासाठी करा या 2 महत्त्वाच्या गोष्टी
1. उकळून थंड केलेल्या पाण्याने केस धुवा
केस धुण्यासाठी पाणी आधी उकळून पूर्णपणे थंड करा आणि त्यानंतरच वापरा. यामुळे पाण्यातील काही अशुद्धी कमी होण्यास मदत होते आणि केस अधिक मऊ व निरोगी राहू शकतात.
2. आठवड्यातून 1 ते 2 वेळा दह्याचा हेअर मास्क लावा
दह्यामध्ये नैसर्गिक पोषक घटक असतात. एका वाटी ताज्या दह्यात 1 चमचा मध आणि 1 चमचा ऑलिव्ह ऑईल मिसळून हा मास्क केसांवर 45 मिनिटे लावा. त्यानंतर सौम्य शॅम्पूने केस स्वच्छ धुवा. यामुळे केसांना नैसर्गिक ओलावा मिळण्यास मदत होते.
याशिवाय या सवयीही ठेवा
- आठवड्यातून किमान दोनदा आवळा, ब्राह्मी किंवा बदाम तेलाने टाळूची मालिश करा.
- आहारात अक्रोड, जवस, तीळ आणि इतर बिया व सुकामेवा यांचा समावेश करा.
- भरपूर पाणी प्या आणि संतुलित आहार घ्या.
जर तुमच्या भागात हार्ड वॉटरची समस्या असेल आणि केस सतत गळत असतील, तर योग्य केसांची काळजी घेणे आवश्यक आहे. साध्या घरगुती सवयी आणि योग्य आहारामुळे केसांचे नुकसान काही प्रमाणात कमी करता येऊ शकते.
टीप : हा लेख सामान्य माहितीच्या आधारे तयार करण्यात आला आहे. कोणताही उपचार किंवा उपाय सुरू करण्यापूर्वी त्वचारोगतज्ज्ञ किंवा संबंधित तज्ज्ञांचा सल्ला घ्या.
