Sunday, October 26

अभिनेता व्हायचं होत, पण झाला ‘लोकलचा रणबीर’! अपंग बनून मुंबई लोकलमध्ये केला सुपरहिट परफॉर्मन्स!

मुंबई लोकलमध्ये अपंग असल्याचं नाटक करणारा भिकारी, नटसम्राट व्हिडीओ व्हायरल

मुंबई म्हणजे स्वप्ननगरी — पण इथं स्वप्नं पूर्ण व्हायच्या आधीच अनेक जण ‘नाटकात’ अडकतात! अशाच एका तरुणाने अभिनयाचं स्वप्न पूर्ण करण्यासाठी थेट लोकल ट्रेनलाच आपलं फिल्म सेट बनवलं.

हा तरुण लोकलमध्ये पाय निकामी असल्याचं नाटक करत भीक मागत होता. मोठं शर्ट घालून, पाय दडवून तो सरपटत प्रवाशांकडे मदत मागत होता. सगळ्यांना त्याची दया आली… पण काही क्षणांनीच सगळ्यांचा धक्का बसला! डब्यातून बाहेर पडताच तो ‘अपंग’ तरुण चक्क आपल्या दोन पायांवर ठणठणीत चालू लागला. आणि लगेच दुसऱ्या डब्यात घुसून पुन्हा ‘अभिनय सुरू’ केला.

हा व्हिडीओ “goga_ga” या इन्स्टाग्राम पेजवर शेअर झाल्यानंतर इंटरनेटवर तुफान गदारोळ माजलाय. आतापर्यंत १४ लाखांहून अधिक लोकांनी हा व्हिडीओ पाहिला आहे. नेटिझन्सच्या प्रतिक्रिया म्हणजे एकदम सिनेमॅटिक कोणी म्हणतंय, “हा तरुण रणबीर कपूरलाही टक्कर देईल,”तर दुसरा म्हणतो, “लोकलमध्ये शूटिंग सुरू आहे का?”


काहींनी चिडून लिहिलं “खऱ्या गरजूंचा विश्वास अशा कलाकारांमुळे संपतोय!” मुंबई लोकल हीच खरी ‘ऑडिशन गॅलरी’ आहे असं म्हणायला हरकत नाही! इथे रोज कुणीतरी नवा कलाकार सापडतो पण भूमिका नेहमीच “भावनात्मक” नसते!

Bandukumar Dhawane

बंडूकुमार धवणेबंडूकुमार धवणे – संपादक, गौरव प्रकाशन, अमरावती. 2007 पासून पत्रकारिता, साहित्य प्रकाशन, कथा, कविता, कादंबरी आणि ग्रामीण-शहरी घडामोडींवर लेखन. www.gauravprakashan.com चे संस्थापक व संपादक.