गौरव प्रकाशन
अमरावती: लंडनमध्ये मराठी तरुणाने मिळवलेले यश हे संपूर्ण महाराष्ट्रासाठी अभिमानाची बाब ठरली आहे. अमरावतीतील मूळ असलेला आदर्श मिलिंद देवरे याने प्रतिष्ठित Middlesex University London मधून MBA पदवी केवळ उत्तीर्णच केली नाही, तर Merit मध्ये उत्कृष्ट कामगिरी करत आपले नाव उज्ज्वल केले आहे.
परदेशातील कठीण स्पर्धा, वेगळे शिक्षण वातावरण आणि सांस्कृतिक आव्हाने यांवर मात करत आदर्शने आपल्या जिद्द, मेहनत आणि आत्मविश्वासाच्या जोरावर हे यश संपादन केले आहे. त्याच्या या यशामुळे कुटुंबासह संपूर्ण समाजात आनंदाचे आणि अभिमानाचे वातावरण निर्माण झाले आहे.
शिक्षणाच्या क्षेत्रात परदेशात जाऊन स्वतःला सिद्ध करणे ही सोपी गोष्ट नाही. मात्र आदर्शने आपल्या सातत्यपूर्ण मेहनतीने आणि अभ्यासातील शिस्तीने हे दाखवून दिले की, योग्य दिशा आणि परिश्रम असल्यास कोणतेही ध्येय अशक्य नाही.
कुटुंबीयांनी या यशाबद्दल आनंद व्यक्त करत सांगितले की, “आदर्शने आमच्या कुटुंबाच्या शिरपेचात मानाचा तुरा रोवला आहे.”
सध्या सोशल मीडियावर देखील त्याच्या यशाची जोरदार चर्चा सुरू असून अनेकांकडून शुभेच्छांचा वर्षाव होत आहे.
