‘कोलाहलाची क्षणचित्रे’ : एक आत्मीय कोलाहलाचा गेय लेखाजोखा‘कोलाहलाची क्षणचित्रे’ हा लवकुमार मुळे यांचा मराठी कवितासंग्रह संगत प्रकाशन, नांदेड येथून २ ऑक्टोबर २०२५ रोजी प्रकाशित झाला. कै. चंद्रकांत देशमुखे (बाबजी) यांना समर्पित हा काव्यसंग्रह वाचताना सुरुवातीपासून शेवटपर्यंत एक विलक्षण तरलता, जिव्हाळा आणि त्याचबरोबर दुःखाची दाहकता अतरंगाला अस्वस्थ करते. ख्यातनाम गीतकार आणि निसर्गकवी बाबासाहेब सौदागर यांनी म्हटल्याप्रमाणे, या कविता अतिशय गेय, चित्रमय आणि प्रादेशिक बोलीच्या लहेजाने समृद्ध आहेत.संग्रहाच्या नावातील ‘कोलाहल’ ही संकल्पना केवळ मनातील गोंधळ नाही, तर आयुष्याच्या सर्व थरांवर पसरलेला, रान-शिवार, गाव-निसर्ग, शेती-दुष्काळ, घर-नाती, आत्म-भान आणि तळमळ या साऱ्यांचा एकत्रित मुखर स्वर आहे. ‘क्षणचित्रे’ म्हणजेच या कोलाहलाचे अनेक हालचाल करणारे स्नॅपशॉट्स – टपोरे, तापलेले, कधी मायेचे, कध...