अखेर शकुंतला रेल ब्रॉडगेजला डीपीआर मंजूरी – शकुंतला रेल बचाव सत्याग्रह समितीचा ऐतिहासिक विजय
अखेर शकुंतला रेल ब्रॉडगेज प्रकल्प मार्गी | अचलपूर-मूर्तिजापूर रेल्वे प्रवासाची नवी दिशा
गौरव प्रकाशन
Amravati News अमरावती (प्रतिनिधी) : गेल्या सात वर्षांपासून आंदोलनाच्या ज्वाळांवर उभी असलेली शकुंतला रेल बचाव सत्याग्रह समिती अखेर यशाच्या मार्गावर पोहोचली आहे. शकुंतला रेल्वे ब्रॉडगेज प्रकल्पाचा सर्वात महत्त्वाचा टप्पा म्हणजे डीपीआर (Detailed Project Report) मंजूर झाला असून अचलपूर-मूर्तिजापूर रेल्वेच्या भवितव्याला आता नवी दिशा मिळाली आहे.
सात वर्षांचा सत्याग्रह अखेर फळाला
2018 साली सुरु झालेल्या या लढ्याने आज ऐतिहासिक यश मिळवले. सात वर्षांच्या अथक प्रयत्नांनंतर समितीने सरकारचे लक्ष वेधून घेतले. या काळात रेल्वे विभागाला सातत्याने पत्रव्यवहार, मोर्चे, उपवास व विविध अहिंसक मार्गांनी आंदोलन करून लोकांच्या मागण्या पोचवण्यात आल्या.
2022 ला एफएलएस, पण डीपीआरमध्ये अडथळे
2022 मध्ये Final Location Survey (FLS) मंजूर झाल्याची घोषणा झाली होती, परंतु Detailed Project Report अभावी प्रकल्प रखडत होता. यामुळे स्थानिक जनतेमध्ये असंतोष वाढत होता. मात्र, 2025 मध्ये समितीच्या प्रतिनिधींनी भुसावळ येथील महत्त्वाच्या बैठकीत मध्य रेल्वे प्रशासनाकडून अंतिम मंजूरीची माहिती मिळवल्याने आता प्रत्यक्ष कामाचा मार्ग मोकळा झाला आहे.
मध्य रेल्वेची भूमिका व लोकांचा विश्वास
भुसावळ येथील बैठक दरम्यान मध्य रेल्वेचे महाप्रबंधक श्री. पुनीत अग्रवाल व मुख्य अभियंता (निर्माण) संदीप सिन्हा यांनी शकुंतला ब्रॉडगेजबाबत झालेल्या सरकारी पातळीवरील प्रगतीचे तपशीलवार स्पष्टीकरण दिले. त्यात अचलपूर–मूर्तिजापूर या पहिल्या टप्प्याच्या डीपीआरला मंजूरी मिळाल्याची माहिती समितीला देण्यात आली. या घोषणेनंतर आंदोलनकर्त्यांचा उत्साह द्विगुणीत झाला आहे.
सहकारी संघटनांचा मोलाचा वाटा
या आंदोलनात माहेर फाउंडेशन, आदिवासी पर्यावरण संघटना, संस्कार भारती, व्यापारी संघटना, मराठा सेवा संघ, जमत-ए-इस्लामिक हिंद यांसारख्या अनेक संस्थांचा मोलाचा सहभाग होता. समाजातील विविध घटकांनी दिलेला हा पाठिंबा आंदोलनाला खऱ्या अर्थाने लोकचळवळ बनवण्यात यशस्वी झाला.
समितीच्या प्रमुख कार्यकर्त्यांचे योगदान
या सात वर्षांच्या काळात योगेश खानजोडे, डॉ. राजा धर्माधिकारी, विजय गोंडचवर, गजानन कोल्हे, दिपाताई तायडे, शारदा उइके, कमल केजरीवाल राजकुमार बरडिया, वसंत धोबे, संजय डोंगरे, सुरेश प्रजापती, प्यारेलाल प्रजापती,रामदास मसने, दयाराम चंदेले, संतोष नरेडीराजेंद्र जयस्वाल, दीपाली विधळे, राजेश पांडे, किरण गवई, मुरलीधर ठाकरे, शंकर बारखडे, किरण वडूरकर,बेबीताई वजाले, उज्ज्वला माकोड़े, डॉ दिपक गुलहाने,आणि अन्य शेकडो सत्याग्रहींनी रात्रंदिवस लढा देऊन हा विजय मिळवला. त्यांच्या अथक प्रयत्नामुळेच शकुंतला रेल्वे प्रकल्पाला आज नवजीवन मिळाले आहे.
हे वाचा – महात्मा फुले यांचे शैक्षणिक कार्य व ग्रंथसंपदा
विदर्भाच्या भविष्याचा नवा अध्याय
शकुंतला रेल्वे हे विदर्भातील आदिवासी पट्टा, शेतकरी व व्यापारी यांच्यासाठी जीवनवाहिनी आहे. ब्रॉडगेज प्रकल्पामुळे प्रवास वेगवान होईल, मालवाहतुकीत वाढ होईल तसेच प्रदेशाच्या सामाजिक व आर्थिक विकासाला गती मिळेल. या घडामोडीमुळे विदर्भाच्या साधनसंपत्तीला नवे बाजरपेठेशी थेट जोडता येणार आहे.
हे वाचा – स्थूलतेचे दुष्परिणाम जाणा ..!
अखेर, शकुंतला रेल बचाव सत्याग्रह समितीच्या सातत्यपूर्ण, शांततामय आंदोलनाचा हा ऐतिहासिक विजय ठरला आहे. आता या रेल्वेच्या रुंदीकरणामुळे केवळ अचलपूरच नव्हे, तर संपुर्ण विदर्भाला विकासाचा नवा ध्यास मिळणार आहे.
- नम्र निवेदन
“निर्भीड, नि:पक्ष, निस्पृह पत्रकारितेसाठी तुमचे सहकार्य गरजेचे आहे…” लोकशाही मूल्यांची जपणूक, अभिव्यक्ती स्वातंत्र्याची निष्ठा, आणि समाजजाणिवेची पायाभरणी हेच गौरव प्रकाशनचे ध्येय आहे. निर्भय, नि:पक्ष आणि लोकहितवादी पत्रकारिता हे आमचे बोधवाक्य आम्ही केवळ शब्दापुरते न ठेवता कृतीत उतरवत आहोत.
या सत्यशोधन आणि परिवर्तनाच्या प्रवासात तुमच्या आर्थिक सहकार्याची नितांत गरज आहे. आपले थोडेसे योगदान आमच्या निर्भय पत्रकारितेस बळ देऊ शकते. खालील QR कोड स्कॅन करून आपण आपल्या परीने मोलाचे सहकार्य करू शकता. चला, एकत्र येऊन समाजपरिवर्तनाच्या या वाटचालीत सहभागी होऊया. कारण खरी पत्रकारिता केवळ बातम्या देत नाही, तर भविष्यास आकार देते.
-बंडूकुमार धवणे
संपादक गौरव प्रकाशन
