रंगात रंगले रंग सारे
वसंताच्या आगमनासाठी
वृक्ष नटले नव्या पालविने
करी उधळण विविध रंगाची
व्हावी साजरी होळी आनंदाने
शिशिराचे दिवस संपले
न्हावून निघाले रंगात रंग सारे
ओसरला गारवा निसर्गाचा
मनी बहरले आपुलकीचे झरे
अंत झाला हा दृष्ट प्रवृत्तीचा
क्षण ते संपले अधपतनाचे
उधळले गुलाबी रंग सारे
रंगलेले क्षण हे धुळवडीचे
करू दहन ते नैराश्याचे
दारिद्र्य आणि आळसाचे
भरुयात नाविन्याने नात्यात
रंग प्रेमाचे आणि रंग स्नेहाचे
चैतन्याच्या या वाटेवरती
समृद्धीचे शिखर गाठावे
होळीच्या या रंगात रंगुनी
रंगपंचमीच्या सणात चिंब भिजावे
विसरले भेदभाव सारे आता
भिडे आकाशी होळीच्या ज्वाळा
पुरणपोळीच्या एका गोडव्याने
पडे बाहेर इर्षा व लाचारीच्या झळा
-बाबाजी हुले ,
नवी मुंबई
