विकास विद्यालयातर्फे पीएसआय खंडारेंचा आई वडिलांसह सत्कार  

गौरव प्रकाशन दर्यापूर(प्रतिनिधी) : तालुक्यातील वडनेर गंगाई येथील प्रकाश धनराज खंडारे यांची पीएसआयपदी निवड झाल्याबद्दल मुख्याध्यापक त्र्यंबक सोनटक्के यांच्या पुढाकारातून खंडारे यांचा त्यांच्या आई-वडिलांसह सन्मान करण्यात आला.

तालुक्यातील वडनेर गंगाई येथील प्रकाश धनराज खंडारे यांनी अतिशय कठीण परिस्थितीतून प्रवास करत पोलीस उपनिरीक्षक पदापर्यंत झेप घेतली. त्यांचा हा प्रवास प्रेरणादायी आहे. ही बाब लक्षात घेता विकास विद्यालयातून शिक्षण झालेल्या प्रकाश धनराज खंडारे यांचा मुख्याध्यापक त्र्यंबक सोनटक्के यांच्या पुढाकारातून माजी विद्यार्थी म्हणून सन्मान करण्यात आला.

यावेळी खंडारे यांचे वडील धनराज वाय-रूकमाबाई यांना देखील शाल श्रीफळ देवून सन्मानित करण्यात आले. यावेळी शिक्षक मोहन देशमुख, अजय देशमुख, भारती खेडकर, दिपाली देशमुख, शीला नरवास, सचिन बरिंगे,  मनोहर गाथे यांच्यासह अन्य उपस्थित होते.