कापसाला क्विंटलमागे ९०० रुपयांचा तोटा, हीच मोदी गॅरंटी ! 

वर्धा जिल्ह्यातील रोठा येथील शेतकरी अमोल ठाकरे यांचे जिवंत उदाहरण पहा. खुल्या बाजारात दर कोसळल्याने त्यांनी सीसीआयच्या केंद्रावर कापूस नेला. लहान मुलाला घेऊन दिवसभर आपल्या कापसाच्या विक्रीसाठी प्रयत्न केले. पण, सात-बारावर पेरणीची नोंदणी नसल्याने त्यांचा कापूस घेण्यात आला नाही. खुल्या बाजारात विक्री केला तरी खर्च निघणेही कठीण आहे. संताप अनावर झाला. रक्ताचे पाणी करूनही कापसाला भाव मिळत नाही म्हणून पोटच्या लेकराप्रमाणे जपून वाढविलेला, पिकविलेला कापूस क्षणात गाडीसह पेटवून दिला. यासंदर्भातील व्हिडीओ वेदनादायी आहे. या निष्ठूर सरकारला शेतकऱ्यांशी घेणेदेणेच उरलेले नाही, त्यांच्या संवेदना संपल्या आहेत, असा आरोपही श्री. वडेट्टीवार यांनी केला आहे.