- स्वप्नसुंदरी होऊन ट्राफी
- स्वप्नात येते हळूच घरी
- हात लावता, स्पर्श करिता
- उडुनी जाते अधांतरी
- व्यासपीठावर फोटो घेता
- मम हात हाती प्रेमे धरी
- कौतुकाने नाहुनी मी जाता
- हळूच हसे ती होऊन परी
- भोवती फेरा गुणीजनांचा
- शाल -पगडी हसे क्षणा
- आनंदे हर्षते मनात माझ्या
- उड्या मारीते टणाटणा
- शाल पगडीसह पुष्पगुच्छ तो
- जाऊन बसतो कोण्या दिशा
- ट्राफी हासुनी म्हणे मलाच हो
- तुझीच मी रे मोनालिसा
- बसतो दावीत इवला फोटो
- होऊनिया मी वेडापिसा
- विसरून जातो कविता माझी
- शोधीतो कागद, खिसा-खिसा
- ट्राफी बंद काचेच्या तुरुंगी
- धूळ माखुनी काळी काळी
- बातमी इवलीशी, घेतो पेपर
- पुसत बसतो हळूच जाळी
- निसर्ग,डोंगर, झाडीवेली
- पीकपाणी,माणसे, जित्राप
- नातीगोती पिंजते कविता
- ट्राफी दावी माझा प्रताप
- उरी कवटाळतो स्वप्नी ट्राफी
- विसरूनी जातो अवघे क्लेश
- मनी मोरपिसे गंधमकरंद
- स्वप्नातच फिरतो देशविदेश
- मुबारक उमराणी
- सांगली
- ९७६६०८१०९७
