बहारदार नृत्याविष्काराने रंगला कौंडण्यपूरचा अंबा रुख्मिणी महोत्सव
अक्षय पुंडेकर कौंडण्यपूर : नुकत्याच संपन्न झालेल्या कौंडण्यपूर येथील अंबा रुख्मिणी महोत्सव २०२३ मध्ये दिनांक ३ डिसेंबर रोजी सायंकाळी स्थानिक कलावंतांच्या बहारदार नृत्याविष्काराने एकच रंगत आणली.
एकाहून एक नृत्य सादर करीत चिमुकल्यांनी प्रेक्षकांना मंत्रमुग्ध केले. यात्रा परिसरात पहिल्यांदाच बालकलाकारांचे नृत्याविष्कार बघून यात्रेकरूंनी कौतुकाची थाप दिली. या सांस्कृतिक सोहळ्याला विशेष अतिथी म्हणून वंचित बहुजन आघाडी युवा प्रदेशाध्यक्ष निलेश विश्वकर्मा, तिवसा पंचायत समिती उपसभापती सौ. रोशनी ताई पुनसे, अध्यक्षस्थानी सौ. सरिताताई राऊत, मुकुंदजी पुनसे, पंकज कळंबे, दिनेशराव ठाकरे, उत्सव समिती अध्यक्ष अमोल भाऊ शेंडे, सल्लागार समिती अध्यक्ष बाळूभाऊ ठाकरे, उपाध्यक्ष मैताब शाह, रुख्मिणी सहकार्य युवक मित्र मंडळ अध्यक्ष अमोल पुंडेकर, उत्सव समिती सचिव सचिन करडे, उपाध्यक्ष प्रयास भाकरे आदींची उपस्थिती होती.
