अकोल्याची शिल्पा मेश्राम ठरली केबीसी मानकरी
गौरव प्रकाशन अकोला (प्रतिनिधी) : अकोल्यातील गरीब गृहिणी आणि प्रशांत मेश्राम या ऑटो चालकाची पत्नी शिल्पा मेश्राम यांनी आज अकोल्याचा मान उंचावला आहे.
शिल्पा यांनी 12 लाख 50 हजार बक्षीस जिंकून आपली बुद्धिमत्ता दाखवून दिली आहे. ज्ञान,बुद्धिमत्ता कुणाची पाईक नसते,परिश्रम घेतले की ती कुणालाही प्राप्त होऊ शकते हे आज शिल्पा या ताईने सिद्ध करून दाखवले आहे.
ऑटो चालवणाऱ्या पतीची दरमहा केवळ सात आठ हजार कमाई असणाऱ्या या ताईने आपल्या नियोजनामुळे दोन मुलांचा सांभाळ करून उत्तम संसार सांभाळला आहे,घरात घर नाही, त्यामुळे पुढचे काहीच नाही पण बुद्धिमत्ता प्रगल्भ असणे या पाठीमागे नक्कीच तो ज्ञानसूर्य आहे,हो मला डॉ.बाबासाहेब आंबेडकर म्हणायचे आहे.
मिळालेल्या बक्षिसाच्या रकमेत थोडाफार संसार फुलेल, महानायक अमिताभशी बोलताना तिचा आत्मविश्वास हा दांडगा होता, या ताईचे अन तिचा छंद पूर्ण करणाऱ्या पती प्रशांत मेश्राम यांचेवर सर्वत्र अभिनंदनाचा वर्षाव होत आहे.
