धाराशिव: मराठवाड्यात मुसळधार पावसाने कहर केला आहे. धाराशिव, बीड आणि सोलापूर जिल्ह्यातील शेतकऱ्यांचे पिकं, घरं आणि जनावरं पुराच्या पाण्यात वाहून गेली आहेत. अनेक कुटुंबं उघड्यावर पडली आहेत, तर शेतकरी घरदार सांभाळण्यासाठी धडपडत आहेत.
अशा वेळी नागरिकांना प्रशासनाची मदत अपेक्षित असताना, धाराशिवच्या जिल्हाधिकारी कीर्ती किरण पुजार आणि निवासी उपजिल्हाधिकारी शोभा जाधव यांचा नाचगाण्याचा व्हिडिओ समोर आला. हा कार्यक्रम तुळजापूर येथे नवरात्र महोत्सवानिमित्त आयोजित करण्यात आला होता. अधिकाऱ्यांनी फक्त उपस्थिती लावली नाही, तर गाण्यांवर ठेका धरतानाही दिसल्या, आणि हा व्हिडिओ सोशल मीडियावर झपाट्याने व्हायरल झाला आहे.
घटस्थापनेच्या रात्री आणि त्यानंतरच्या दिवसांत आलेल्या मुसळधार पावसामुळे धाराशिव जिल्ह्यात सर्वत्र पुराचे दृश्य दिसत होते. शेतकरी पिके, जनावरं आणि घरं पाण्यात बुडत होती, पण त्याच दिवशी संध्याकाळी अधिकाऱ्यांचा नाचगाण्यात सहभाग दिसल्याने नागरिकांमध्ये संताप उसळला. लोकांनी “पूरग्रस्तांच्या जखमेवर मीठ चोळल्यासारखं आहे” अशी टीका केली आहे.
मंदिर संस्थानकडून हा सांस्कृतिक कार्यक्रम पूर्वनियोजित होता, अशी माहिती समोर आली आहे. तरीही अशा गंभीर परिस्थितीत अधिकारी रंगतदार कार्यक्रमात दिसल्यामुळे प्रशासनाच्या संवेदनशीलतेवर प्रश्न उपस्थित झाले आहेत. सोशल मीडियावर या घटनेवरून मोठ्या प्रमाणावर प्रतिक्रिया येत आहेत, लोक अधिकारी संवेदनशीलतेचा अभाव दर्शवतो, असे म्हणत आहेत आणि काहींनी त्वरित कारवाईची मागणी केली आहे.
सर्वांचे लक्ष आता जिल्हाधिकाऱ्यांच्या स्पष्टीकरणाकडे लागले आहे. नागरिक जाणून घेऊ इच्छित आहेत की, अशा संकटाच्या काळात प्रशासन नेमकं काय करत आहे आणि शेतकऱ्यांसाठी किती तत्पर आहे.
—————–
—————–
निर्लज्जपणाचा कळस! शेतकऱ्यांची घरदारं पाण्यात बुडालेली असताना धाराशिवचे जिल्हाधिकारी नाचगाण्यात
—————–
- नम्र निवेदन
“निर्भीड, नि:पक्ष, निस्पृह पत्रकारितेसाठी तुमचे सहकार्य गरजेचे आहे…”लोकशाही मूल्यांची जपणूक, अभिव्यक्ती स्वातंत्र्याची निष्ठा, आणि समाजजाणिवेची पायाभरणी हेच गौरव प्रकाशनचे ध्येय आहे. निर्भय, नि:पक्ष आणि लोकहितवादी पत्रकारिता हे आमचे बोधवाक्य आम्ही केवळ शब्दापुरते न ठेवता कृतीत उतरवत आहोत.
या सत्यशोधन आणि परिवर्तनाच्या प्रवासात तुमच्या आर्थिक सहकार्याची नितांत गरज आहे. आपले थोडेसे योगदान आमच्या निर्भय पत्रकारितेस बळ देऊ शकते. खालील QR कोड स्कॅन करून आपण आपल्या परीने मोलाचे सहकार्य करू शकता. चला, एकत्र येऊन समाजपरिवर्तनाच्या या वाटचालीत सहभागी होऊया. कारण खरी पत्रकारिता केवळ बातम्या देत नाही, तर भविष्यास आकार देते.
-बंडूकुमार धवणे
संपादक गौरव प्रकाशन
————————————-
