मुंबई : अभिनेता फरहान अख्तर पुन्हा एकदा स्पोर्ट्स ड्रामा फिल्म तूफान प्रेक्षकांच्या भेटीला घेऊन येणार आहे. काही वेळापूर्वीच या चित्रपटाचं रोमॅण्टिक पोस्टर रिलीज करण्यात आलंय. या पोस्टरमधून त्यांनी चित्रपटाच्या ट्रेलर रिलीजची देखील घोषणा केलीय. हा चित्रपट थिएटरमध्ये रिलीज करण्यात येणार होता. मात्र, करोना परिस्थितीमुळे आता हा चित्रपट ओटीटी प्लॅटफॉर्मवर रिलीज करण्याचा निर्णय मेकर्सनी घेतलाय.
अभिनेता फरहान अख्तर याने स्वत:च्या त्याच्या इन्स्टाग्राम अकाउंटवर बहूप्रतिक्षित तूफान चित्रपटाचे दोन पोस्टर रिलीज केले आहेत. दोन्ही पोस्टरमध्ये अभिनेता फरहानचे दोन वेगवेगळे लूक पहायला मिळतात. पहिल्या रोमॅण्टिक पोस्टरमध्ये फरहानसोबत अभिनेत्री मृणाल ठाकुर दिसून येत आहे. तर दुसर्‍या पोस्टरमध्ये फरहान बॉक्सिंग करताना दिसून येत आहे. हे दोन्ही पोस्टर शेअर करताना फरहानने एक कॅप्शन देखील लिहिलीय. यात त्याने लिहिलंय, आयुष्य तुम्हाला तोपयर्ंत खचू देत नाही जोपयर्ंत तुम्ही प्रेमाने बांधलेले असता३0 जून रोजी ट्रेलर आऊट होतोय.त्यामुळे तूफानसाठी चाहत्यांची प्रतीक्षा आता लवकरच संपणार आहे.
अँमेझॉन प्राईम व्हिडीओवर तूफानचा तूफानी ट्रेलर ३0 जूनला प्रदर्शित होणार असून येते दोन दिवस चाहत्यांसाठी आणि प्रेक्षकांसाठी उत्साहाचे असणार आहेत.या चित्रपटाची निर्मिती रितेश सिधवानी, राकेश ओमप्रकाश मेहरा आणि फरहान अख्तर यांच्याद्वारे करण्यात आली आहे. तूफानचे दिग्दर्शन राकेश ओमप्रकाश मेहरा यांनी केले असून फरहान अख्तर मुख्य भूमिकेत आहे. यासोबतच अभिनेत्री मृणाल ठाकुर व परेश रावल यांच्या देखील भूमिका आहेत.तूफान भारतासह २४0 देश व प्रदेशांमध्ये १६ जुलै ला अँमेझॉन प्राइम व्हिडीओवर स्ट्रीम होणार आहे.
