सात पिढय़ांना संपणार नाही एवढे कमवून बसलात आणि कसली भीती वाटते?

मुंबई: अभिनेता नसीरुद्दीन शाह यांनी शेतकरी आंदोलनासंदर्भात बॉलिवूडमधील दिग्गजांच्या मौनवर प्रश्नचिन्ह उभे केले आहे. या दिग्गजांना संपत्ती गमावण्याची भीती वाटत असल्याचे नसीरुद्दीन शाह यांनी म्हटले आहे. त्यांनी सात पिढ्यांना संपणार नाही, एवढं जमवून ठेवला आहे तेव्हा किती नुकसान होईल? अशी विचारणा त्यांनी केली.
एका मुलाखतीत नसीरुद्दीन शाह म्हणाले की, जर शेतकरी थंडीत बसला असेल तर काही फरक पडत नाही असे सांगून आम्ही गप्प बसू शकत नाही. जेव्हा सर्व काही उध्वस्त होईल, तेव्हा आपण शत्रूंच्या आवाजापेक्षा मित्रांची शांतता सहन होणार नाही. गप्प बसणे म्हणजे हे अत्याचार करणार्‍याची बाजू घेतल्याप्रमाणे आहे. आपल्या चित्रपटसृष्टीतील धुरंदर लोक शांत बसून आहेत. त्यांना वाटते की ते बरेच गमावू शकतात.
आपण इतके पैसे कमावले आहेत की आपल्या सात पिढ्या बसून खाऊ शकतात. मग तुम्ही किती गमवाल?
कोरोना काळातील प्रवीसा मजुरांच्या स्थलांतराचा संदर्भ देताना नसीरुद्दीन शाह म्हणाले की, लॉकडाऊनच्या वेळी मजुरांची छायाचित्रे पाहिली गेली, हे हृदय तुटणारे होते. त्यांना मारणारे पोलिसही त्याच विभागातील होते. जेव्हा फिल्म इंडस्ट्रीची चर्चा येते तेव्हा एखाद्याने असा नियम लावला की आपण ६५ वर्षांचे असल्यास आपण काम करू शकत नाही. मी विचार करीत असे की ६५ वर्षांच्या लाईट मॅनचे आणि त्याच्या कुटूंबाचे काय होईल.
जमील गुलरेज यांना दिलेल्या मुलाखतीत, नसीरुद्दीन शाह यांनी कोणत्याही अभिनेता किंवा अभिनेत्रीचे नाव घेतले नाही, परंतु शांत असलेल्या सेलिब्रिटींचा त्यांनी स्पष्ट उल्लेख केला. शाहरुख खान, आमिर खान, अमिताभ बच्चन यांच्यासह अनेक दिग्गज तारे यांनी शेतकरी आंदोलनाबाबत मौन बाळगले आहे.