भूवनेश्वर : ओडिशामधील मयुरभांज जिल्ह्यातील एका गरोदर महिलेला रणरणत्या उन्हात तीन किलोमीटरपर्यंत चालण्यास भाग पाडल्याप्रकरणी ओडिशामधील मयुरभांज जिल्ह्यातील एका महिला पोलिस निरीक्षकाला निलंबित करण्यात आले आहे. धक्कादायक बाब म्हणजे केवळ हेल्मेट घालते नाही म्हणून या महिलेला एवढी कठोर शिक्षा या पोलिस अधिकार्याने दिल्याची माहितीसमोर आली आहे.
बिक्रम बिरुली हे हे गाडी चालवत असल्याने त्यांनी हेल्मेट घातले होते. मात्र त्यांच्य मागे बसलेल्या त्यांच्या पत्नी गुरुबारी बिरुली यांनी हेल्मेट घातले नव्हते. आपल्या आठ महिन्यांच्या गरोदर पत्नीला तपासणीसाठी घेऊन जात असतानाच सारत पोलिस स्थानकाच्या हद्दीमध्ये पोलिसांनी या जोडप्याला अडवले.
बिक्रम पोलिसांनी या प्रकरणामध्ये बिरुली दाम्पत्याला दंड ठोठावला. मात्र बिक्रम यांच्याकडे दंड देण्याइतके पैसे नव्हते. मी ऑनलाइन माध्यमातून दंड भरतो असे बिक्रम यांनी सांगितले. मात्र त्यानंतरही पोलिसांनी त्यांना सोडण्यास नकार दिला. त्यानंतर सातर पोलिस स्थानकातील पोलिस निरीक्षक रिना बक्सला आणि बिक्रम यांच्यामध्ये शाब्दिक वाद झाला. त्यानंतर बिक्रम यांना पोलिसांच्या गाडीतून पोलिस स्थानकात घेऊन जाण्यात आले. मात्र बिक्रम यांना घेऊन जाताना रिना आणि त्यांच्या सहकार्यांनी आठ महिन्यांच्या गरोदर असणारा गुरुबारी यांना नेले नाही आणि कोणीही सोबत नसताना निर्जनस्थळी त्यांना एकटे सोडून पोलिस बिक्रम यांना घेऊन निघून गेले.
मी त्या महिला पोलिस निरीक्षकाकडे मलाही माझ्या पतीसोबत घेऊन जा अशी विनंती केली. मात्र त्यांनी नकार दिला, असे त्यांनी म्हटले आहे. त्यानंतर गुरुबाली तीन किलोमीटरवर असणार्या पोलिस स्थानकावर भर उन्हामध्ये चालत गेल्या. त्यानंतरही या दोघांना पोलिसांनी तिथे दोन तास वाट पहायला लावली. या प्रकरणामध्ये मयुरभांजचे पोलिस अधीक्षक स्मित परमार यांनी रिना बक्सला यांना निलंबित केले आहे.
(Image Credit :Clection)