सेल्फीच्या ट्रेंडला आवर घालण्याची गरजप्रवास करताना सेल्फी घेणे हा एक लोकप्रिय ट्रेंड बनला आहे. सोशल मीडिया आल्यापासून सेल्फीची क्रेझ अधिकच पाहायला मिळत आहे. पण सेल्फीचा ट्रेंड लोकांच्या जीवालाही मोठा धोका बनत आहे. गेल्या काही वर्षात केवळ सेल्फी काढल्यामुळे अनेकांना आपला जीव गमवावा लागला आहे. अर्थातच तुम्ही सेल्फीद्वारे अविस्मरणीय क्षण टिपू शकता, परंतु काही वेळा तुमचा जीवही धोक्यात येऊ शकतो.मोबाईल कॅमेर्‍याद्वारे सेल्फी घेणे ही जगातील गंभीर समस्यांपैकी एक आहे. सेल्फीचा छंद म्हणजेच मोबाईल कॅमेऱ्यातून स्वत:चे छायाचित्र काढण्याचा छंद जीवघेणा ठरत असल्याच्या बातम्या आजकाल ऐकायला मिळत आहेत. नवी पिढी या सापळ्यात खोलवर अडकली आहे. आज प्रत्येकजण आपल्या जीवाची पर्वा न करता थरारक, आश्चर्यकारक आणि विस्मयकारक सेल्फी घेत आहे. कुणी पाण्यात उडी मारताना सेल्फी काढताना, कुणी सापासोबत, कुणी सिंह, वाघ, चित्...