मुख्यमंत्री लाडकी बहीण योजना : लाभार्थ्यांसाठी नवी सक्तीची अट
मुंबई : राज्यातील महायुती सरकारची ‘मुख्यमंत्री माझी लाडकी बहीण’ योजना गेल्या वर्षी जुलै 2024 मध्ये सुरु झाली आणि अल्पावधीतच राज्यातील २ कोटींपेक्षा अधिक महिलांनी तिचा लाभ घेतला. या योजनेअंतर्गत पात्र महिलांच्या खात्यात दरमहा १,५०० रुपयांची थेट आर्थिक मदत जमा केली जाते. गरजू महिला आर्थिकदृष्ट्या सक्षम व्हाव्यात हा योजनेचा मुख्य हेतू आहे.
मात्र, गेल्या काही दिवसांत या योजनेत अनेक गैरप्रकार उघड झाले. नुकत्याच झालेल्या ऑडिटमध्ये तब्बल २६.३४ लाख अपात्र लाभार्थी या योजनेत असल्याचे आढळले. त्यात अनेक पुरुषांचाही समावेश आहे. महिलांसाठी असलेल्या या योजनेत काहींनी खोट्या कागदपत्रांच्या आधारे लाभ घेतल्याने शासनाने आता कठोर पावले उचलली आहेत.
नवी अपडेट : e-KYC अनिवार्य
सरकारने सर्व पात्र महिलांसाठी ई-केवायसी (e-KYC) बंधनकारक केली आहे.
- प्रत्येक लाभार्थी महिलेला आता ई-केवायसी करावीच लागणार आहे.
- पडताळणीसाठी पतीचे किंवा पित्याचे आधारकार्ड देणे बंधनकारक करण्यात आले आहे.
- ही प्रक्रिया ऑनलाईन पद्धतीने पूर्ण करावी लागणार असून दोन महिन्यांची मुदत देण्यात आली आहे.
- ठरावीक कालावधीत ई-केवायसी पूर्ण न केल्यास दरमहा मिळणारी १५०० रुपयांची मदत थांबवली जाणार आहे.
ई-केवायसीसाठी आवश्यक कागदपत्रे
- आधारकार्ड
- पासपोर्ट साईज फोटो
- रहिवासी दाखला
- रेशन कार्ड
- मतदान ओळखपत्र
- उत्पन्नाचा दाखला
- बँक खात्याची माहिती
- शासनाने नमूद केलेली इतर कागदपत्रे
ई-केवायसी प्रक्रिया कशी पूर्ण कराल?
महिलांनी ladakibahin.maharashtra.gov.in या संकेतस्थळावर किंवा ई-महासेवा केंद्रावर जाऊन ही प्रक्रिया पूर्ण करायची आहे.
१. संकेतस्थळावर जाऊन “ई-केवायसी” या पर्यायावर क्लिक करा.
२. नाव, पत्ता, रेशनकार्ड क्रमांक, उत्पन्नाची माहिती आणि आधार क्रमांक नोंदवा.
३. मागितलेली कागदपत्रे अपलोड करा.
४. सबमिट केल्यानंतर कागदपत्रे जमा झाल्याची पुष्टी मिळेल.
सरकारचे आवाहन
गैरप्रकार थांबवण्यासाठी आणि पारदर्शकता आणण्यासाठी ही प्रक्रिया राबवली जात आहे. ग्रामीण व शहरी भागातील सर्व महिलांनी लवकरात लवकर ई-केवायसी पूर्ण करण्याचे आवाहन प्रशासनाने केले आहे, अन्यथा आर्थिक मदत थांबण्याची शक्यता आहे.
थोडक्यात सांगायचे तर, लाडकी बहीण योजनेचा लाभ सुरू ठेवायचा असेल, तर प्रत्येक पात्र महिलेला ई-केवायसी पूर्ण करणे अनिवार्य आहे.
लाडक्या बहिणींमागचं शुक्लकाष्ठ थांबेना, नवी अपडेट काय ?
