हे दीक्षाभूमी !
हे क्रांती भूमी
तू आमच्यासाठी उजेडाचं झाड झालीस
विज्ञानवादी विचारांची
प्रज्ञा सावली झालीस
तुझ्या कुशीत विसावतांना
माणुसकीची ऊब मिळते
घरी परततांना सोबत
प्रज्ञेची शिदोरी मिळते
तुझी प्रेरणा डोक्यात आहेदीक्षाभूमी…
सदैव परिवर्तन पेरत राहू
समता,बंधुता,न्यायाच्या
मार्गावर आम्ही चालत राहू
आता तुच आमची प्रेरणा
तुच जगण्याची ऊर्जा
तुच अमुची युद्ध शाळा
आणि तुच अमुची क्रांतीज्वाळा
तुच मुक्तदाती अमुची…..
धम्मचक्र असेच गतीमान होत राहो
भारत बौद्धमयच्या दिशेने जात राहो !
अरूण ह.विघ्ने
रोहणा,आर्वी,वर्धा
नागपूरच्या ऐतिहासिक दीक्षाभूमीचा इतिहास
