चांदूर रेल्वे : चांदूर रेल्वेवरून औरंगाबादला जाणार्या एसटीला छत्रपती संभाजीनगरचे फलक मनसेने सोमवारी लावले. त्यामुळे नामकरणावरून चांदूर रेल्वेत मनसे आक्रमक पहावयास मिळाली. महाराष्ट्र नवनिर्माण सेनेच्या वतीने येत्या २६ जानेवारीपयर्ंत राज्य सरकारने औरंगाबादचे छत्रपती संभाजीनगर असे नामकरण करावे अशी मागणी केली आहे.
राज्यभरातून मनसेच्या वतीने या मागणीला सर्मथन दिले जात आहे. याच पार्श्वभूमीवर सोमवारी या मागणीला आणखी बळ देण्याकरिता चांदूर रेल्वेत महाराष्ट्र नवनिर्माण सेनेच्या वतीने चांदूर रेल्वे बस स्थानक येथील चांदूर रेल्वे – औरंगाबाद बसचे बोर्ड काढून छत्रपती संभाजीनगर असे फलक लावले आणि छत्रपती संभाजी महाराजांच्या नावाने जयघोष करण्यात आला.यावेळी मनसे शहर अध्यक्ष वरदान इंगोले, शहार सचिव रितेश देशमुख, कार्याध्यक्ष दर्शन इंद्रवणे, ओमप्रकाश मानकर, हर्षल देशमुख, संदीप मेर्शाम , मंगेश ठाकरे, दिनेश जगताप महाराष्ट्र नवनिर्माण विद्यार्थी सेनेचे प्रतीक सवाने, रोहित इंगोले, प्रसाद मेटे, अक्षय हटवार आदी उपस्थित होते.
