UPI युजर्ससाठी धक्का! 1 ऑक्टोबरपासून ‘ही’ लोकप्रिय सुविधा होणार बंद; NPCI चा मोठा निर्णय
नवी दिल्ली : भारतातील कोट्यवधी लोक दैनंदिन व्यवहारांसाठी यूपीआय (UPI) चा वापर करतात. किराणा सामान घेणे असो वा ऑनलाईन शॉपिंग करणे, मोबाईलमधून फक्त काही सेकंदांत व्यवहार पूर्ण होतात. मात्र, नॅशनल पेमेंट्स कॉर्पोरेशन ऑफ इंडिया (NPCI) ने घेतलेल्या मोठ्या निर्णयामुळे आता ग्राहकांना बदल अनुभवावा लागणार आहे.
1 ऑक्टोबर 2025 पासून UPI वरील P2P (पिअर-टू-पिअर) ‘कलेक्ट रिक्वेस्ट’ सुविधा पूर्णपणे बंद केली जाणार आहे.
काय आहे कलेक्ट रिक्वेस्ट सुविधा?
- UPI अॅप्स (PhonePe, Google Pay, Paytm इ.) द्वारे एखाद्या व्यक्तीकडून थेट पैसे मागण्यासाठी ‘कलेक्ट रिक्वेस्ट’ पाठवता येत होती.
- उदाहरणार्थ, ₹500 मागायचे असल्यास रिक्वेस्ट पाठवली जात असे आणि समोरच्या व्यक्तीने UPI पिन टाकून ती मंजूर केली की पैसे खात्यात जमा व्हायचे.
- आता ही सुविधा फक्त व्यापारी वेबसाइट्सपुरती (Amazon, Flipkart, IRCTC) मर्यादित राहणार आहे.
NPCI ने घेतला निर्णय का?
NPCI च्या मते, वाढत्या ऑनलाईन फसवणुकीला आळा घालण्यासाठी हा निर्णय घेतला गेला आहे.
- यापूर्वीच या सुविधेची मर्यादा ₹2000 पर्यंत कमी करण्यात आली होती.
- तरीदेखील अनेक युजर्सना फसवणूक करणाऱ्यांनी चुकीच्या कलेक्ट रिक्वेस्टद्वारे लुबाडले.
- सुरक्षिततेसाठी आता ही सुविधा कायमची बंद करण्याचा निर्णय झाला आहे.
युजर्सवर काय परिणाम?
- सामान्य युजर्स एकमेकांकडून पैसे मागण्यासाठी ‘कलेक्ट रिक्वेस्ट’ वापरू शकणार नाहीत.
- पैसे घेण्यासाठी आता थेट QR स्कॅन, UPI आयडी किंवा मोबाईल नंबरद्वारे व्यवहार करावा लागेल.
- व्यापारी वेबसाइट्स मात्र ग्राहकांना पेमेंट रिक्वेस्ट पाठवू शकतील.
सुविधा का सुरू केली होती?
कलेक्ट रिक्वेस्ट सुविधा मूळतः मित्र-नातेवाईकांकडून थकबाकीची आठवण करून देण्यासाठी व ऑनलाईन खरेदीत पेमेंट सुलभ करण्यासाठी सुरू करण्यात आली होती. पण वाढत्या सायबर फसवणुकीमुळे NPCI ने तिला पूर्णविराम देण्याचा निर्णय घेतला आहे.
- नम्र निवेदन
“निर्भीड, नि:पक्ष, निस्पृह पत्रकारितेसाठी तुमचे सहकार्य गरजेचे आहे…”लोकशाही मूल्यांची जपणूक, अभिव्यक्ती स्वातंत्र्याची निष्ठा, आणि समाजजाणिवेची पायाभरणी हेच गौरव प्रकाशनचे ध्येय आहे. निर्भय, नि:पक्ष आणि लोकहितवादी पत्रकारिता हे आमचे बोधवाक्य आम्ही केवळ शब्दापुरते न ठेवता कृतीत उतरवत आहोत.
या सत्यशोधन आणि परिवर्तनाच्या प्रवासात तुमच्या आर्थिक सहकार्याची नितांत गरज आहे. आपले थोडेसे योगदान आमच्या निर्भय पत्रकारितेस बळ देऊ शकते. खालील QR कोड स्कॅन करून आपण आपल्या परीने मोलाचे सहकार्य करू शकता. चला, एकत्र येऊन समाजपरिवर्तनाच्या या वाटचालीत सहभागी होऊया. कारण खरी पत्रकारिता केवळ बातम्या देत नाही, तर भविष्यास आकार देते.
-बंडूकुमार धवणे
संपादक गौरव प्रकाशन
UPI वापरकर्त्यासांठी मोठी बातमी…
