प्रविण खोलंबे. महाकवी कालिदास पुरस्काराने सन्मानित
Contents hide
साहित्य,कला,शिक्षण, सांस्कृतिक क्षेत्रात उल्लेखनीय कार्य करणारी पुण्यातील प्रसिद्ध संस्था महाकवी कालिदास प्रतिष्ठान, पुणे होय.या संस्थेच्या वतीने देण्यात येणारा या वर्षीचा महाकवी कालिदास पुरस्कार प्रसिद्ध लेखक कवी प्रविण खोलंबे यांना प्रदान करण्यात आला आहे.
मुरबाड तालुक्यातील रहिवासी असलेले प्रसिद्ध लेखक कवी प्रविण खोलंबे.हे साहित्य, सांस्कृतिक व सामाजिक विषयांवर सातत्याने लेखन करत आहेत. आतापर्यंत त्यांनी विविध विषयांवर २०० हुन अधिक लेख लिहिले आहेत. तर १००० हुन अधिक काव्यलेखन केले आहे. नाशिक आकाशवाणी केंद्रावरुन त्यांच्या कविता प्रसारित झाल्या आहेत. तर जळगाव आकाशवाणी केंद्र व पुणेरी रेडिओ आवाजात त्यांच्या कविता अभिवाचन करण्यात आल्या आहेत. त्यांच्या साहित्य व सांस्कृतिक क्षेत्रातील योगदानाबद्दल त्यांना राष्ट्रीय व राज्यस्तरीय पुरस्कारांनी सन्मानित करण्यात आले आहे.महाराष्ट्रातील अनेक मराठी साहित्य संस्थांचे ते प्रतिनिधी असुन.मराठी भाषा साहित्य, जतन व संवर्धनासाठी समाज प्रबोधन क्रांती जनजागृतीसाठी ते सातत्याने लेखन करत असतात.
मराठी साहित्याचे अभ्यासक व जाणकार असलेलं एक अभ्यासू व्यक्तिमत्त्व, चिंतन,मनन, सर्जनशील, संवेदना, चर्चात्मक, वैचारिक, अभ्यासपूर्ण लेखन हे त्यांच्या लेखनाची वैशिष्ट्ये दिसुन येत असतात. कला, साहित्य, संस्कृती,समाज, शिक्षण हे त्यांच्या कवितांचे विषय समाज प्रबोधन, प्रचार व प्रसार करताना दिसुन येत असतात. मराठी भाषा जतन व संवर्धन यावरील लेखन हे बहुमोल योगदानाबद्दल महाकवी कालिदास प्रतिष्ठान,पुणे या संस्थेचे अध्यक्ष मा.वि.ग.सातपुते, व प्रमुख पाहुणे हस्ते प्रसिद्ध लेखक कवी प्रविण खोलंबे.यांना महाकवी कालिदास पुरस्कार सन्मानपूर्वक प्रदान करण्यात आला. १९ जुन महाकवी कालिदास दिनाचे औचित्य साधून पुणे येथील धारेश्वर विद्या व क्रीडा प्रतिष्ठान सभागृहात आयोजित करण्यात आलेल्या पुरस्कार सोहळा कार्यक्रमास प्रमुख पाहुणे म्हणून गोवा राज्याचे माजी उपसभापती मा.शंभुराजे बांदेकर, शिक्षणतज्ज्ञ डॉ.न.म.जोशी, महाकवी कालिदास प्रतिष्ठानचे अध्यक्ष, मा.वि.ग.सातपुते, उपाध्यक्ष डॉ.महेंद्र ठाकुरदास, संस्थेचे कार्याध्यक्ष मा.काकासो चव्हाण यांच्या उपस्थितीत संपन्न झाला.