त्यागमुर्ती माता रमाई

रमाई राजगृहाची सावली,

समाजाची झाली माऊली,

फाटक्या संसारात सुखी,

रमाईची त्यागमुर्ती पाहिली ||१||

रोज जळत होती दु:खाच्या अग्नीत,

सुख भोगण्याचा हट्ट केला नाही,

दु:ख सोसत राहिली लेकरासाठी,

श्वास भिमाचा,ध्यास समाजाचा पाही ||२||

शेणी गोवऱ्या त्या थापुनी,

पै, पैसा तो कमवुनी साठवी,

भिमा साठी परदेशात ती,

शिक्षणासाठी पैसा पाठवी ||३||

लेकरे आश्रमातील राहिली उपाशी,

कळले रमाईस भरुनी आले मन,

दिल्या बांगड्या काढुनी सोन्याच्या,

अन्न घातले खाऊ तृप्त केले जन ||४||

रमाई तुझ्या भाली  कुंकवाला,

भिमा सुर्याचं आहे सारं तेज,

त्या तेजानं उजळय जग हे,

सारं सोनियाचं हे आज ||५||

धन्य धन्य तू माता रमाई,

तुझी गौरव गाथा लिही,

आज त्याग तुझा देई ,

ह्या इतिहासाची ग्वाही ||६||

  ‌               -प्रविण खोलंबे.

 ‌                  ता.मुरबाड,जि.ठाणे.