अमरावती मनपा शिक्षकांना मिळाली 38 लक्ष थकबाकी

* नपा व मनपा शिक्षक संघाच्या सततच्या पाठपुराव्याला यश

गौरव प्रकाशन वृत्त संकलन

अमरावती (प्रतिनिधी) : अमरावती मनपा प्राथमिक शाळांमधील शिक्षकांना सातवा आयोग सप्टेंबर 2019 मध्ये लागू झाला तसेच दुसरा टप्प्याकरिता शासनातर्फे अमरावती मनपा ला फेब्रुवारी महिन्यात अनुदान प्राप्त झाले होते.तरीसुध्दा थकबाकीच्या दुसऱ्या टप्प्या पासून मनपा शिक्षक वंचित होते. इतर सर्व विभागात कर्मचाऱ्यांना दुसरा टप्पा प्राप्त झालेला असला तरी मनपा शिक्षकांवर होत असलेला अन्याय बघता मनपा व मनपा शिक्षक संघटनेच्यावतीने राज्याध्यक्ष श्री अर्जुन कोळी यांच्या मार्गदर्शनाखाली मनपा प्रशासनाकडे याबाबत सतत पाठपुरावा करत प्रयत्न केले त्यामुळे नपा व मनपा शिक्षक संघतर्फे करण्यात आलेली मागणी मंजूर झाली आहे.

सातवा वेतन आयोगाची थकबाकी चा पहिला हफ्ता (50%) शिक्षकांच्या खात्यात जमा करण्यात आला आहे. सध्या अमरावती मनपा मध्ये 332 एकूण प्राथमिक शिक्षक कार्यरत असून त्यापैकी 168 शिक्षकांच्या खात्यात 38 लक्ष रुपये एवढी रक्कम प्राप्त झाल्यामुळे शिक्षकांमध्ये आनंदाचे वातावरण आहे.तसेच 172 जीपीएफ धारक शिक्षकांच्या जीपीएफ खात्यात थकबाकी जमा करणार असल्याचे आश्वासन मनपा प्रशासनाच्या वतीने संघटनेला देण्यात आलेले आहे.

संघटनेच्या वतीने अध्यक्ष योगेश पखाले,सचिव एहफाजउल्ला खान, उमेश गोदे, सुनील केने व पदाधिकाऱ्यांनी सतत आयुक्त व प्रशासक श्री प्रवीण आष्टीकर, मुख्यलेखाधिकारी श्री हेमंत ठाकरे, उपायुक्त भाग्यश्री बोरेकर, सिस्टीम मॅनेजर श्री अमित डेंगरे,शिक्षणाधिकारी श्री अब्दुल राजीक यांच्या सतत भेटी घेऊन हा मुद्दा निकाली काढला आहे. शिक्षकांच्या प्रलंबित आर्थिक समस्या निकाली काढल्याबद्दल संघटनेच्या वतीने प्रशासक श्री प्रवीण आष्टीकर यांचे पुष्पगुच्छ देऊन आभार मानण्यात आलें.

--------------

तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? आम्हास आपल्या परिसरातील बातम्या, लेख अवश्य पाठवा आणि प्रतिनिधी बना ! ताज्या बातम्यांसह अपडेट राहण्यासाठी लाइक करा Gaurav Prakashan फेसबुकपेज !

--------------------

आम्ही तुमच्यासमोर बातम्या, कथा, कविता, वाचनीय लेख अश्या खूप साऱ्या लेखामार्फत भेटत असतो तुम्हाला काय अजून वाचायला आवडेल हे आम्हाला कमेंट मार्फत नक्की कळवा, कारण तुमची एक कमेंट आमचे प्रोत्साहन वाढवत असते, तसेच आमचे फेसबुक पेज ही नक्की लाईक करा, गौरव प्रकाशन युट्यूब चॅनेल लाईक Subscribe करा जेणेकरून तुम्हाला आमच्या सर्व अपडेट मिळतील आणि त्याचबरोबर आमचे फेसबुक पेज शेअर हि नक्की करा धन्यवाद...!

-बंडूकुमार धवणे

संपादक गौरव प्रकाशन

--------------------