बाल विवाह मुक्त जिल्हा अभियानांतर्गत 3 जानेवारीला जनजागृती रॅली

गौरव प्रकाशन वृत्त संकलन

अमरावती (प्रतिनिधी) : अमरावती जिल्ह्यात बाल विवाह मुक्त जिल्हा अभियान प्रभावीपणे राबविण्याचे निर्देश जिल्हाधिकारी पवनीत कौर यांनी दिले आहेत. या पार्श्वभूमीवर मंगळवार, दि. 3 जानेवारी 2023 रोजी बालिकादिनाचे औचित्य साधून जिल्ह्यातील प्रत्येक गावात सकाळच्या सत्रात बाल विवाह मुक्त जिल्हा अभियानांतर्गत जनजागृती रॅलीचे आयोजन करण्यात येणार आहे.

प्रत्येक गावात बाल विवाह मुक्त जिल्हा अभियान रॅली ही विद्यार्थी, ग्राम बाल संरक्षण समितीची सदस्य, ग्रामपंचायतीचे सदस्य, शाळेचे मुख्याध्यापक, शिक्षक तसेच शिक्षकेत्तर कर्मचारी या सर्वांच्या सहभागाने आयोजित करण्यात येणार आहे. बाल विवाहाबाबत जनजागृती करण्यासाठी बालकांचे हक्क, बाल विवाहाचे कायदेशीर वय, ‘बाल विवाह करणार नाही’ आणि ‘होऊ देणार नाही’ अशा घोषवाक्यांचा समावेश राहील. तसेच प्रत्येक गावात बाल विवाह होऊ देणार नाही, असा ठराव प्रत्येक ग्रामपंचायतीमार्फत घेण्यात येणार असल्याची माहिती जिल्हा महिला व बाल विकास अधिकारी यांनी दिली आहे.

--------------

तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? आम्हास आपल्या परिसरातील बातम्या, लेख अवश्य पाठवा आणि प्रतिनिधी बना ! ताज्या बातम्यांसह अपडेट राहण्यासाठी लाइक करा Gaurav Prakashan फेसबुकपेज !

--------------------

आम्ही तुमच्यासमोर बातम्या, कथा, कविता, वाचनीय लेख अश्या खूप साऱ्या लेखामार्फत भेटत असतो तुम्हाला काय अजून वाचायला आवडेल हे आम्हाला कमेंट मार्फत नक्की कळवा, कारण तुमची एक कमेंट आमचे प्रोत्साहन वाढवत असते, तसेच आमचे फेसबुक पेज ही नक्की लाईक करा, गौरव प्रकाशन युट्यूब चॅनेल लाईक Subscribe करा जेणेकरून तुम्हाला आमच्या सर्व अपडेट मिळतील आणि त्याचबरोबर आमचे फेसबुक पेज शेअर हि नक्की करा धन्यवाद...!

-बंडूकुमार धवणे

संपादक गौरव प्रकाशन

--------------------