मोर्शी तालुक्यातील नव निर्वाचित सरपंच ग्राम पंचायत सदस्यांचा सत्कार

मोर्शी (प्रतिनिधी) : ग्राम विकासाचा कणा असलेल्या ग्राम पंचायतीचा नुकताच निकाल लागला आहे. यामध्ये काही ग्रामपंचायती बिन विरोध तर काही ग्राम पंचायतीमध्ये निवडणुका होऊन निवडून आलेल्या नवनिर्वाचित सरपंच आणि ग्राम पंचायत सदस्य यांचा सत्कार राष्ट्रवादी काँग्रेस महिला आघाडी तालुका अध्यक्ष सौ वृषालीताई विघे यांच्या हस्ते करण्यात आला.

स्थानिक स्वराज्य संस्थेच्या माध्यमातून ग्रामीण विकासाचा केंद्रबिंदू असलेल्या सरपंचांनी गाव विकासासह गावाचा कायापालट करावा विकास कामांमुळेच गावाचे नाव उज्वल होते. म्हणूनच ग्रामीण भागातील ग्रामस्थ आणि शासन या दोघांमधील सरपंच हा महत्त्वाचा दुवा असल्याचे प्रतिपादन सौ वृषालिताई विघे यांनी यावेळी व्यक्त केले.

मोर्शी तालुक्यातील उमरखेड ग्रामपंचायत निवडणुकीमध्ये राष्ट्रवादी काँग्रेस पक्षाच्या सरपंच सौ उषाताई घनश्याम बेलखडे यांनी भरघोस मतांनी विजय मिळविला असून धानोरा येथील ग्रामपंचायत निवडणुकीमध्ये सरपंच सौ मीनाताई मरस्कोल्हे विक्रमी मतांनी विजयी झाल्या असून सोबतच ग्राम पंचायत सदस्य निवडून आले. बेलोणा ग्रामपंचायत निवडणुकीमध्ये राष्ट्रवादी काँग्रेस पक्षाच्या सरपंच सौ दिपालीताई संजय जवंजाळ अविरोध विजयी झाल्या असून सोबतच ७ ग्राम पंचायत सदस्य अविरोध निवडून आल्याबद्दल उमरखेड, बेलोणा, धानोरा येथील नव निर्वाचित सरपंच, ग्राम पंचायत सदस्य यांचा सत्कार राष्ट्रवादी काँग्रेस महिला आघाडी तालुका अध्यक्ष तथा माजी महिला बाल कल्याण सभापती सौ वृषालिताई विघे, कृषी उत्पन्न बाजार समितीचे माजी संचालक उमेशभाऊ गुडधे, प्रकशभाऊ विघे, राष्ट्रवादी काँग्रेस पक्षाचे तालुका उपाध्यक्ष रुपेश वाळके, ऋषिकेश विघे यांच्या हस्ते करण्यात आला.

तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? आम्हास आपल्या परिसरातील बातम्या, लेख अवश्य पाठवा आणि प्रतिनिधी बना ! ताज्या बातम्यांसह अपडेट राहण्यासाठी लाइक करा Gaurav Prakashan फेसबुकपेज !

आम्ही तुमच्यासमोर बातम्या, कथा, कविता, वाचनीय लेख अश्या खूप साऱ्या लेखामार्फत भेटत असतो तुम्हाला काय अजून वाचायला आवडेल हे आम्हाला कमेंट मार्फत नक्की कळवा, कारण तुमची एक कमेंट आमचे प्रोत्साहन वाढवत असते, तसेच आमचे फेसबुक पेज ही नक्की लाईक करा, गौरव प्रकाशन युट्यूब चॅनेल लाईक Subscribe करा जेणेकरून तुम्हाला आमच्या सर्व अपडेट मिळतील आणि त्याचबरोबर आमचे फेसबुक पेज शेअर हि नक्की करा धन्यवाद…!