ग्रामपंचायत निवडणूक कार्यक्षेत्रात कलम 144 लागू

अमरावती (प्रतिनिधी) : राज्य निवडणूक आयोगाकडून अमरावती जिल्ह्यातील एकूण 14 तालुक्यातील 257 ग्रामपंचायतींच्या सार्वत्रिक निवडणूकीसाठी निवडणूक कार्यक्रम जाहीर झाला आहे. यासाठी मतदान रविवार, दि. 18 डिसेंबर 2022 रोजी सकाळी 7.30 वाजता ते सायंकाळी 5.30 पर्यंत होणार आहे. अमरावती जिल्ह्यातील एकूण 257 ग्रामपंचायतींपैकी प्रत्यक्ष निवडणूक प्रक्रिया राबविण्यात येणाऱ्या 252 ग्रामपंचायतींच्या कार्यक्षेत्रात असलेल्या मतदान केंद्राच्या ठिकाणी कायदा व सुव्यवस्थेचा प्रश्न निर्माण होणार नाही, यासाठी संबंधित क्षेत्रात मतदानाच्या दिवशी मतदान केंद्रावर व निवडणूक कार्यक्षेत्रात फौजदारी प्रक्रिया संहिता 1973 चे कलम 144 लागू करण्यात आली आहे.

अमरावती जिल्ह्यातील ग्रामपंचायत सार्वत्रिक निवडणूकीची प्रक्रिया शांततेत व निर्भय वातावरणात पार पडण्याच्या दृष्टीकोनातून तसेच कायदा व सुव्यवस्था अबाधित राखण्यासाठी ग्रामपंचायत सार्वत्रिक निवडणूकीच्या मतदान केंद्राच्या ठिकाणापासून 200 मिटर परिसरातील सर्व पक्षकारांचे मंडप, सर्व दुकाने, मोबाईल, कॉर्डलेस फोन, पेजर, वायरलेस सेट, ध्वनीक्षेपके, सर्व प्रकारचे फेरीवाले व इतर इलेक्ट्रॉनिक्सची उपकरणे निवडणूकीच्या कामाव्यतिरीक्त खाजगी वाहने, संबंधित पक्षाच्या चिन्हाचे प्रदर्शन व निवडणूकीच्या कामाव्यतिरिक्त इतर व्यक्तीस प्रवेश प्रतिबंधित करण्यात आला आहे. सदर प्रतिबंधित आदेश अप्पर जिल्हा दंडाधिकारी विवेक घोडके यांनी निर्गमित केला आहे.

तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? आम्हास आपल्या परिसरातील बातम्या, लेख अवश्य पाठवा आणि प्रतिनिधी बना ! ताज्या बातम्यांसह अपडेट राहण्यासाठी लाइक करा Gaurav Prakashan फेसबुकपेज !

आम्ही तुमच्यासमोर बातम्या, कथा, कविता, वाचनीय लेख अश्या खूप साऱ्या लेखामार्फत भेटत असतो तुम्हाला काय अजून वाचायला आवडेल हे आम्हाला कमेंट मार्फत नक्की कळवा कारण तुमची एक कमेंट आमचे प्रोत्साहन वाढवत असते, तसेच आमचे फेसबुक पेज हि नक्की लाईक करा जेणेकरून तुम्हाला आमच्या सर्व अपडेट मिळतील आणि त्याचबरोबर आमचे फेसबुक पेज शेअर हि नक्की करा धन्यवाद…!