अमरावती ते दिल्ली व्हाया पुणे महात्मा फुले समता एक्सप्रेस सुरू करा

अमरावती (प्रतिनिधी) : अमरावती ते दिल्ली व्हाया पुणे अशी महात्मा फुले समता एक्सप्रेस (रेल्वे) सुरू करण्याची मागणी उपेक्षित समाज महासंघ व फुले-शाहू-आंबेडकर अनुयायांनी केंद्रीय रेल्वे मंत्रालयाकडे निवासी उपजिल्हाधिकारी डॉ. विवेक घोडके यांच्यामार्फत उपेक्षित समाज महासंघाचे अध्यक्ष प्रा. श्रीकृष्ण बनसोड,कार्याध्यक्ष श्रीकृष्ण माहुरे, रिपाई नेते वसंतराव गवळी, कै. मैनाबाई बाबारावजी बुंदेले स्मृती प्रतिष्ठानचे अध्यक्ष प्रा. अरुण बाबारावजी बुंदेले, समाधान वानखडे, जयश्री ठाकूर आदींच्या नेतृत्वात करण्यात आली.

केंद्रीय रेल्वे मंत्रालयाला पाठवलेल्या निवेदनात म्हटले आहे की, महात्मा फुलेंनी क्रांतिकार्याची सुरुवात पुणे नगरीतून केली. तेथे त्यांनी मुलींसाठी पहिली शाळा सुरू केली. या शिक्षणाची गंगोत्री असलेल्या पुणे येथे विदर्भातील अनेक तरुण-तरुणी शिक्षण व नोकरीसाठी आवागमन करतात. त्यांना रेल्वेची सुविधा अपुरी पडत आहे त्यामुळे प्रवाशांना मानसिक व शारीरिक त्रास होत आहे . केंद्रीय रेल्वे मंत्रालयाने अमरावती ते दिल्ली व्हाया पुणे अशी महात्मा फुले समता एक्सप्रेस (रेल्वे ) सुरू केल्यास अनेक प्रवाशांना न्याय मिळू शकेल तसेच फुले-शाहू- आंबेडकरांच्या विचाराने चालणाऱ्या करोडो जनमताच्या मागणीचा आदर केल्यासारखे होईल.

जनतेच्या हिताच्या दृष्टीने अनिवार्य असलेल्या ह्या मागणीचा सकारात्मक निर्णय घ्यावा अन्यथा फुले-शाहू-आंबेडकरांच्या समता सैनिकांना संघर्ष मार्गाने लढा पुढे न्यावा लागेल असे निवेदन विविध संघटनांच्या वतीने देण्यात आले. याप्रसंगी उत्तमराव भैसने, गोविंद फसाटे,नाना रमतकर,रामकुमार खैरे,इंजि.सुभाष खंडारे, इंजि. भगवान खोब्रागडे, शालिनी मांडवधरे, सुभाष शिंदे, सुभाष गोहत्रे, प्राचार्य टी. एफ. दहिवाडे, सुभाष शिंदे, प्राचार्य अब्दुल अजीज रिजवी, उमेश ढोणे, इंजि. सुधाकर हिरुळकर, ईश्वरदास गायकवाड इत्यादींनी समर्थन करून स्थानिक लोकसभा सदस्या व राज्यसभा सदस्यांनी लक्ष घालून मागणी पूर्ण करण्यासाठी केंद्रावर दबाव आणावा असे आवाहन करण्यात आले.

तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? आम्हास आपल्या परिसरातील बातम्या, लेख अवश्य पाठवा आणि प्रतिनिधी बना ! ताज्या बातम्यांसह अपडेट राहण्यासाठी लाइक करा Gaurav Prakashan फेसबुकपेज !

आम्ही तुमच्यासमोर बातम्या, कथा, कविता, वाचनीय लेख अश्या खूप साऱ्या लेखामार्फत भेटत असतो तुम्हाला काय अजून वाचायला आवडेल हे आम्हाला कमेंट मार्फत नक्की कळवा कारण तुमची एक कमेंट आमचे प्रोत्साहन वाढवत असते, तसेच आमचे फेसबुक पेज हि नक्की लाईक करा जेणेकरून तुम्हाला आमच्या सर्व अपडेट मिळतील आणि त्याचबरोबर आमचे फेसबुक पेज शेअर हि नक्की करा धन्यवाद…!