- ह्या झोपडीवर माह्या
- डोले तिरंगा डौलात
- दुःख झेलते रे माय
- फाटक्याच पदरात !!
- झेंडा पाह्ये माय कडे
- माय पाह्ये झेंडयाकडे
- तिरंगी मायेची रे छाया
- तिच्या पदरात पडे !!
- सुख स्वातंत्र्याचं भोगे
- माय उपाशी पोटान
- केली आयुष्याची माती
- शाई लावल्या बोटान !!
- पोटासाठी पायपीट
- नाही आजून थांबली
- खऱ्या शिक्षणाची गंगा
- नाही गावात वाह्यली !!
- लय झालेत धनिक
- लांडया,लबाड्या करून
- मोठे महाल बांधले
- छोट्या झोपड्या तोडून !!
- महाली भगवा, हिरवा
- निळा,ओशाळे मनात
- ह्या झोपडीवर माह्या
- डोले तिरंगा डौलात !!
- डोले तिरंगा डौलात !!
- -वासुदेव महादेवराव खोपडे
- सहा पोलीस उपनिरीक्षक(सेवानिवृत्त)
- अकोला 9923488556
0 टिप्पण्या