स्वातंत्र्याचा अमृत महोत्सव

स्वातंत्र्याचा दिन।उगवला आज ॥

सजला हा साज ।भारतात ॥ १ ॥

स्वातंत्याचा आज I अमृत उत्सव ॥

भव्य महोत्सव । भारतात ॥ २॥

उगवला आज । सूवर्णाचा दिन ॥

अमृताचा क्षण । भारतात ॥ ३ ॥

करती साजरा । राष्ट्रीय हा सण ॥

देशाचा सन्मान । चोहिकडे ॥ ४ ॥

गात आहे मुलं । स्वातंत्र्याचे गीत ॥

देशाचे संगीत । भारतात ॥ ५ ॥

तोरणे पताका । कार्यालयी शाळा॥

कुसुमांच्या माळा । शूरवीर ॥ ६ ॥

तिरंग्याचा मान । राखू आम्ही सारे ॥

आनंदाचे वारे । चोहिकडे ॥ ७ ॥

नियम पाळून । घरो घरी झेंडा ॥

आनंदाने झेंडा । फडकवू ॥ ८ ॥

भारताचा आज । सोहळा अमृत ॥

स्वातंत्र्याची ज्योत । पेटतसे ॥ ९ ॥

पंधरा ऑगस्ट । हाची शुभ दिन ॥

ठेवू या ही जाण । भारतीय ॥ १० ॥

संघर्ष करूनी । रणात लढले ॥

हुतात्मे ते झाले । देशासाठी ॥ ११ ॥

मला अभिमान । झेंडा माझा प्राण ॥

स्वातंत्र्याचे गाण । गाऊ सर्व ॥१२ ॥

स्वातंत्र्य वीरांचे । कार्य आहे थोर ॥

उपकार थोर । देशावर ॥ १३ ॥

स्वातंत्र्यवीरांचा । आम्हा अभिमान ॥

दिले बलिदान । देशासाठी ॥ १४ ॥

आमचा हा देश । आम्ही या देशाचे ॥

आम्ही भारताचे । नागरिक ॥ १५ ॥

विविधतेतही । असे अखंडता ॥

नांदते एकता । भारतात ॥ १६ ॥

देशभक्तीपर । गीतांचे गायन ॥

मधुर वादन । स्वातंत्र्याचे ॥ १७॥

मांगल्य देशाचे । टिकवून ठेऊ ॥

शहिदांचे गाऊ । क्रांतिगीत॥ १८॥

उंच हिमालय । सरिता सागर ॥

विशाल भूधर । भारताची ॥ १९॥

अनेक असती । धर्म,पंथ,जाती ॥

भारतात नाती । एकतेची ॥ २० ॥

नव भास्कराचा । भारत अमुचा ॥

नररत्नांचा हा । देश माझा ॥ २१ ॥

आहे अभिमान । शूर नि वीरांचा ॥

शूर शहिदांचा । भारताच्या ॥ २२॥

स्वातंत्र्याचे आम्हा । दर्शन घडले ॥

खूपच लढले । शूरवीर ॥ २३॥

भारतीय आम्ही । गाऊ शहिदांचे ॥

गीत स्वातंत्र्याचे । आनंदाने ॥ २४ ॥

भारताचा आम्हा । आहे अभिमान ॥

अमृता समान । देश माझा ॥ २५ ॥

स्वातंत्र्यवीरांनी । गुलामगिरीच्या ॥

बेड्या जुलुमाच्या । बंधमुक्त ॥ २६ ॥

मुक्ती संग्रामात । अर्पियले प्राण ॥

मुखातून गाणं । स्वातंत्र्याचे ॥२७ ॥

लोकशाही देश I महान विश्वात ॥

सन्मान जगात । भारताचा ॥ २८ ॥

आम्हा अभिमान । थोर संविधान ॥

भारत महान । .जगतात ॥ २९ ॥

स्वातंत्र्याच्या दिनी।अमृताच्या दिनी ॥

वंदन करांनी । हुतात्म्यांना ॥ ३० ॥

- प्रा .अरुण बाबारावजी बुंदेले,

रुक्मिणी नगर ,अमरावती

भ्रमणध्वनी :८०८७७४८६०९