- गौरव प्रकाशन वृत्तसंकलन
अमरावती (प्रतिनिधी) : विभागीय आयुक्त डॉ. दिलीप पांढरपट्टे व जिल्हाधिकारी पवनीत कौर यांनी वरुड येथे मंगळवारी भेट देऊन अतिवृष्टीबाबत उपाययोजनांचा आढावा घेतला. व अतिवृष्टीग्रस्त परिसराची पाहणी केली.
वरुड तालुकास्तरीय अधिकाऱ्यांची बैठक घेऊन विभागीय आयुक्त डॉ. पांढरपट्टे यांनी परिस्थितीचा आढावा घेतला. सर्व यंत्रणांनी सजग राहून कामे करावीत. पंचनाम्याची प्रक्रिया सविस्तर व तपशीलवार करावी. शेतकरी बांधव व अतिवृष्टी बाधितांशी संवाद साधून पंचनाम्याची प्रक्रिया परिपूर्ण करावी. त्यांना आवश्यक ती मदत मिळवून देण्याच्या दृष्टीने तत्काळ कार्यवाही करावी, असे निर्देश विभागीय आयुक्त डॉ. पांढरपट्टे यांनी यावेळी दिले.
यावेळी विभागीय आयुक्त व जिल्हाधिकाऱ्यांनी निवारा केंद्राची पाहणी केली. त्याचप्रमाणे आरोग्य व्यवस्थेचा आढावा घेतला. त्यांनी वरुड येथील अतिवृष्टीग्रस्त परिसरात पाहणी करुन नागरीकांशी संवाद साधला. व नुकसानीची माहिती घेतली. उपविभागीय अधिकारी नितीन हिंगोले, तहसीलदार गजेंद्र मालठाणे आदी उपस्थित होते.