शुष्क थेबांचा आकांत..!

शुष्क थेबांचा आकांत

वेशी नदीलाही पूर

गाव नदीच्या किनारी

एक अनामिक हुरहूर

उभे एकटे सनातन

गाव वेशीला देऊळ

क्षण भंगुर क्षणांचे

इथे उध्वस्त राऊळ

शेत शिवारी दिशांना

गाव डुबलेला खोल

स्वप्न उध्वस्त उद्याचे

रूते काळजाला ओल

वारा अनाम दिशांचा

पुन्हा वादळाची भिती

कुणा कळलीना कधी

इथे निसर्गाची निती

कुणी ठरूनये इथे

त्याच्या प्राक्तनाचा बळी

वेधशाळेचा अंदाज

नित्य चुकलेला गळी

त्याचे स्वप्न केवीलवाणे

दिर्घ संर्घष उरात

गेली वाहुनी सगळी

गाव नदीच्या पुरात

-प्रमोद पंत

9763015600