जानं राज्या आतातरी….

Thank you for reading this post, don't forget to subscribe!

काय राज्या पान्या

असंई कुटी असते काय ?

येवळाले दिवस जवाई

सास-याच्या घरी रायते काय ?

अखाळीले पोरीसंगं आला

आन् ह्या गावचाच झाला

येकाच झोपळ्यात सारेजन

रायना-यायले कहरच केला

जानं राज्या आतातरी

डिकाच्या पिळ्यासरखा रुतला

पिकं सळून रायले वावरात

जिवाले नुस्ता घोर लावला

बाया-मानसं,बैल-खाटे

सारेच घरी बसून हायेत

जरासी ऊन दिसत नाई

घरात डोबरे साचले हायेत

सांग कशा पेटवावं चुली ?

डब्बे रीकामे झालेत

काम नाई, धंदा नाई

मिठ-मिरच्याले पैसे सरलेत

जिकळे तिकळे नदी-नाले

भरून वाह्यून रायले

मानूस मानूस पानी हाये

सारे रस्ते बंद केले

काय कवी महाशय

कविता लेयल्यानं पानी कुटी जाते काय ?

पण लिह्यूनन पाह्याले

काय हरकत हाय ?

-अरुण विघ्ने