- माह्या अंगणी अंगणी
- आले काळे काळे ढग
- आल्या पावसाच्या सरी
- मले पावला मिरुग !!
- मले पावला मिरुग
- रान भिजल रे सारं
- भुई झाली चिंब चिंब
- आला वारा गार गार !!
- आला वारा गार गार
- संगे मातीचा सुगंध
- दाह उकाडा उन्हाचा
- कसा झाला मंद मंद !!
- कसा झाला मंद मंद
- जीव आनंदले सारे
- घरट्यात विसावले
- पशु माणसं पाखरे !!
- पशु माणसं पाखरे
- फुला खुलले रे रंग
- आल्या पावसाच्या सरी
- मले पावला मिरुग !!
- -वासुदेव महादेवराव खोपडे
- सहा पोलीस उपनिरीक्षक(सेवानिवृत्त)
- अकोला 9923488556
