बाप…

Thank you for reading this post, don't forget to subscribe!

बाप घराचा आधार

त्याची घारीची नजर,

दु:खी पाहता लेकरा

गोड लागे ना भाकर ||१||

सुख दु:खाचा सारथी

भार डोई तो पेलतो,

गाढा संसारी ओढुनी

धागा सुखाचा जोडतो ||२||

घडे विपरीत काही

ठोका हृदयी चुकतो,

मन कावरं बावरं

जीव थारी ना लागतो ||३||

वारं वादळ झेलतो

हार कधी ना मानतो,

घर आनंदी ठेऊनी

सुख आपुले शोधतो ||४||

तळ हाता फोडापर

जपे आपुला संसार,

दु:ख स्वत:चे झाकुनी

ठेवी सुखी परिवार ||५||

हात सदा पाठीवर

देई बळ लेकरास,

येता संकटाचा वारा

जीव लावतो पणास ||६||

-संजय देशमुख

पळसखेड जि. अमरावती.

९४२१७८९००९.