- आमावसेच्या दिवशी
- लयच घोटाया झाला
- एक म्हतारा माह्या
- रात्री सपनात आला !!
- मोठ झाकुयल होत
- जरा दिसे झावझाव
- माह्या घरावर राज्या
- हळया करे कावकाव !!
- त्यात दिसे बाप मले
- अन कई दिसे हळया
- सुचेना मले काहीच
- बसत दांतखिळया !!
- हिम्मत करुन पक्की
- गेलो गा मी गच्चिवर
- माहेच म्हतार बाबा
- झोपेल होते खाटीवर !!
- गेलो मंग हळयाजोळ
- हातात घेऊन कट्टा
- सांग म्हतल कावळ्या
- काय हा जांगळबुत्ता ?
- आसु भरल्या डोयानं
- मले देल्ल त्यान उत्तर
- आहो म्हणे गड्या मीच
- तुह्या पित्राचा पित्तर !!
- जितेपनी रे बापानं
- तुह्या देला रे झकोला
- म्हणून आलो रे खाया
- अखोजिचा रे कानोला !!
- कोरोनात मेलो होतो
- श्राद्ध केलं रे काशीले
- धन धान्य दान केल
- अकरा बामन भटाले !!
- अर्पण केल तर्पण केल
- स्वर्गी पोहचवु पितराले
- कर्ज काळून तेरवी केली
- स्वर्ग,मोक्षासाठी पितराले !!
- नाही आला रे बामण कोणी
- नाही भळजी आला भेटाले
- स्वर्ग, नरक थोतांड सारे
- आलो सर्वांस मी सांगायले !!
- सतपात्री दान करा रे
- सदा रंजल्या गांजल्याले
- घासातला घास खाऊ घाला
- जित्तेपनीच मायबापाले !!
- रोज वाटा जेवताना
- ताटातील तीन घास
- पहिला घास भरवावा
- देवरूपी मायबापास !!
- दुजा घास ध्यावा भुकेल्
- या मानव,प्राणी किटकास
- तिसरा घास तो नभिच्या
- बिना झोळीच्या फकिरास!!
- वासुदेव विनवी सर्वा
- कानोल्याचाअनव्यार्थ
- सार्थ करून संसार
- साधावा रे परमार्थ !!
- -वासुदेव महादेवराव खोपडे
- सहा पोलीस उप निरीक्षक (सेनी)
- अकोला
- 9923488556
0 टिप्पण्या