- हार्दिक शुभेच्छा । कामगार दिनी ॥
- शुभेच्छा वाणी । सर्वांनाच ॥१॥
- जीवन जगतो । स्वतः कामगार ॥
- घामाची ती धार । प्रामाणिक ॥२॥
- भारतात एक । शक्ती मुलाधार ॥
- राष्ट्राचा आधार । कामगार ॥३ ॥
- दुजाचे ते ओझे । घेई खांद्यावर ॥
- सुखाचा संसार । कामगार ॥४॥
- कामगार आहे । नाही तो गुलाम ॥
- स्वकष्टाचे दाम । अनमोल ॥५॥
- जीवनाचे दुःख । करुनिया नष्ट ॥
- शारीरिक कष्ट । रात्रंदिन ॥६॥
- सुखाचे जीवन । दुःखात शोधतो ॥
- राबतो कष्टतो । कामगार ॥७॥
- कामगार दिन । करू नये दीन ॥
- ठेवावी ही जाण । सर्वांनाच ॥८॥
- -प्रा. अरुण बाबारावजी बुंदेले,
- रुक्मिणीनगर,अमरावती.
- भ्रमणध्वनी :८०८७७४८६०९
- (Images Credit : Study Circle)