G-KPL17TQEZ3
परिवर्तन…. | Gaurav Prakashan
Skip to content कोमेजलेली फुले आता फुलू लागली
बंद हृदयाची दारे आता खुलू लागली
काळोखाची रात्र आता सरू लागली
नवयुगाची आता पहाट उजळू लागली
मनामनात उत्कर्षाची जिद्द जागू लागली
क्षणाक्षणात कुर्बानी श्रमाची मागू लागली
सानथोर इतिहास पुर्वजांचा सांगू लागली
हरितक्रांती येथे जेमतेम आता रांगू लागली
गतकालीन मुकी पाखरे बोलू लागली
कालांतराने मुक्तिगीते गाऊ लागली
युगायुगाची बंदिस्त पाखरे उडू लागली
नभात आता भ्रमरांची गर्दी वाढू लागली
वतनदारीवर आपला हक्क सांगू लागली
मक्तेदारीही आता हळुवार पेंगू लागली
सूर्यप्रकाशाने लेकरे आता जागू लागली
चैत्यभूमी नि दीक्षाभूमीला जाऊ लागली
शाळेत जाऊन आता खुप शिकू लागली
रस्त्यावरची गर्दी बाबा मात्र पांगू लागली
धम्माचरणासाठी विहारी जाऊ लागली
त्रिशरण,पंचशील, वंदना गाऊ लागली
पाई चालणारी मुले आता धाऊ लागली
आचार,विचारातून परिवर्तन दाऊ लागली
Post Views: 100
Like this:
Like Loading...