" संत तुकाराम "

तुकाराम। सोळाशे आठला ॥

देह जन्मा आला। वसंताला॥१॥

वडील बोल्होबा। कनकाई आई॥

 सुसंस्कार देई। तुकाराम॥२॥

साक्षात्कारी संत । निर्भिड लेखन।

 चिंतन मनन। समाजाचे॥३॥

प्रबोधन कार्य । कीर्तनात केले॥

अभंग गायिले। जनांसाठी॥४॥

परिवर्तनाचे । शब्द अभंगात 

सुधारक संत । तुकाराम॥५॥

वैचारिक संत। एक वारकरी॥

सम नर- नारी । तत्त्वज्ञान॥६॥

पूर्ण महाराष्ट्र। न्हाला अभंगात॥

वैचारिक वात । पेटविली॥७॥

नवविचारांची । अभंग पेरणी॥

रोखठोक वाणी। तुकोबांची॥८॥

व्यापारी असून। ऋण माफ केले॥

 पदरी जे आले । जना दिले॥९॥

जनांच्या मुखात। अभंग जीवंत॥

समाज जागृत । विचारांनी ॥१०॥

काव्यात गोडवा । अभंग रसाळ॥

सोपी नि सरळ । शब्दकळा॥११॥

दर्शन  देहूला । तुकोबांचे घेऊ॥

अभंगाला गाऊ। आनंदाने॥१२॥

जणांच्या हृदयी । तुकोबांची गाथा॥

टेकवू या माथा । चरणाशी॥१३॥

आज तुकाराम। बीज स्मृतिदिन॥

करांनी वंदन। कोटी कोटी॥१४॥

              

 - प्रा अरुण बाबारावजी बुंदेले,

    रुक्मिणीनगर,अमरावती.

    भ्रमणध्वनी:-८०८७७४८६०९.