संत गुरु रविदास

गोवर्धन पुरी । सूर्य उगवला ।

माघ पौर्णिमेला । रवि जन्म॥१॥

रघुराम पिता । रघुराणी माता।

सुसंस्कार दाता । मातापिता ॥२॥

गुरू रविदास। कर्मातून संत।

वादविवादात। यशप्राप्त॥३॥

स्वयंप्रकाशित । व्हावे बहुजन।

उच्च तत्त्वज्ञान। रविदास॥४॥

जात ना अनेक । एक आहे जात।

नाव या जगात । मानवता॥५॥

मिराबाईचे ते। 'गुरू 'रविदास

अभंग रैदास। गायनात॥६॥

संत एकनाथ । श्री गुरुनानक ।

संत प्रशंसक । रविदास॥७॥

मानवतावादी। गुरुंना नमन।

करांनी वंदन। कोटी कोटी॥८॥

-प्रा.अरुण बाबारावजी बुंदेले,

रुक्मिणी नगर,अमरावती

भ्र.ध्व.:- ८०८७७४८६०९