- नाम सेवाभाया । वेगो जगेमाई ।
- रोमरोमेमाई । बापू बेटो ।।
- मानवतावादी । बापू क्रांतिकारी ।
- मारो ललकरी । निजामेनं ।।
- लढाई जितायो । समाज घडायो ।
- गोरून शिकायो । बंधूभाव ।।
- छाणजो, जाणजो । वोरेपचं मानो ।
- भूलो मत बाणो । बापू केगो ।।
- बापूरे नामेनं । थोडातरी जागो ।
- करेसारू लागो । सेवाकार्य ।।
- किदे नाचकूद । काईबी वजान ।
- समाजेप ध्यान । कुण दिये? ।।
- बोलो जसो बापू । वोसो तम वागो ।
- गोरूनं शिकागो । ग्यान बापू ।।
- खोटोनाटो काई । कोई पेरो मत ।
- गोर एकमत । लावो जरा ।।
- निसर्ग बचाओ । बापूनं सुमरो ।
- अजु केरो खरो । ग्यान वेटो ।।
- -अजय रमेश चव्हाण,
- तरनोळी
- ता.दारव्हा, जि.यवतमाळ
- मो.८८०५८३६२०७
0 टिप्पण्या