मुंबई : बॉलिवूड अभिनेता रितेश देशमुख आणि त्याची पत्नी जिनिलिया यांची जोडी लोकप्रिय जोड्यांपैकी एक आहे. रितेश आणि जिनिलिया सोशल मीडियावर सक्रिय असल्याचे दिसते. सोशल मीडियावर फोटो आणि व्हिडीओ शेअर करत ते चाहत्यांच्या संपर्कात राहतो. नुकताच रितेशने एक व्हिडीओ शेअर केला आहे. हा व्हिडीओ सोशल मीडियावर प्रचंड व्हायरल झाला आहे.
रितेशने हा व्हिडीओ त्याच्या इन्स्टाग्राम अकाऊंटवरून शेअर केला आहे. या व्हिडीओत रितेश आणि जिनिलिया दिसत आहे. व्हिडीओत जिनिलिया रितेशला इंटरनेट स्लो असल्याची तक्रार करते, तर रितेशने दिलेले उत्तर ऐकल्यानंतर जिनिलिया रडू लागते. जिनिलिया बोलते, सुनो ना, मेरा इंटरनेट बहुत स्लो चल रहा है. यावर रितेश बोलतो, मोबाइल को अपनी जुबान से कनेक्ट कर लें. रितेश आणि जिनिलियाचा हा व्हिडीओ सोशल मीडियावर प्रचंड व्हायरल झाला आहे. रितेश आणि जिनेलियाने २00३ मध्ये प्रदर्शित झालेल्या तुझे मेरी कसम या चित्रपटातून बॉलिवूडमध्ये पदार्पण केले. ९ वर्षे रिलेशनशिपमध्ये राहिल्यानंतर २0१२ मध्ये त्यांनी लग्न केले. यंदाच्या वर्षी त्यांच्या लग्नाला ९ वर्षे झाली आहेत. जिनेलियाला खरी लोकप्रियता ही २00८ मध्ये प्रदर्शित झालेल्या जाने तू या जाने ना या चित्रपटातून मिळाली. जिनेलियाने दाक्षिणात्य चित्रपटसृष्टीतही काम केले आहे. मात्र, लग्नानंतर जिनेलियाने चित्रपटात काम केले नाही. त्यांना दोन मुलं असून रियान आणि राहिल अशी त्यांची नावं आहेत.
