गुरु रविदास मानवतावादी संत – प्रा अरुण बुंदेले

अमरावती : “‍गुरू रविदास यांची समतावादी, बुद्धिवादी विचारधारा होती. मनुष्याला केंद्रबिंदू मानून त्यांच्या सर्वांगीण विकासासाठी आवश्यक असलेले उपाय राज्यसत्ताच करु शकते या विचारांचे ते प्रचारक होते. विषमतावादी समाजव्यवस्थेला आव्हान देण्याचे धैर्य त्यांनी दाखविले .मनुष्याच्या गुणवत्तेनुसार त्याला सन्मान मिळाला पाहिजे ही त्यांची महत्त्वपूर्ण भूमिका होती .” हिल मिल चलो जगतमे, फूट पडो दो नही । फूट बडी माची तो देश नष्ट हो जाई ॥” या दोह्यात गुरू रविदासांनी आपसात भांडण तंटे करु नका ,मतभेद वाढवून फूट पडू देऊ नका ,असे सांगितले आहे. गुरू रविदास मानवतावादी संत होते .समाजमनाला गतिमान, परिवर्तनवादी ,विज्ञानवादी, मानवतावादी बनवण्याचा प्रयत्न त्यांनी केला,असे प्रतिपादन प्रमुख वक्ते प्रा.अरुण बुंदेले यांनी केले .