छोटासा बाळ

छोटासा बाळ येऊन

मला एकदा म्हणाला

सांग ना मला आई

मी कधी होणार शहाणा

तुम्ही मोठी माणसं

किती मजा करता

मनासारखं वागता

मी मनासारखं जगता

तुम्हाला कधी कुणी

रागवत नाही

काही खा काही प्या

फरकच पडत नाही

आमची मात्र सारी

अर्धवटच स्वारी

याच्या त्याच्या कुशीत

नी पाळण्यात लोळी

मुटू मुटू बघायचं

भरवलं ते खायचं

शि,सू लागली तर

मोठ्याने रडायचं

किती किती असतो

आमच्या मागे ताप

प्रत्येकाच्याच तालावर

आमचा असतो नाच..

सौ शितल राऊत

अमरावती