भोग नशिबाचे

तुच्छ लेखले सर्वांना

अपशब्द वापरले

गरिबांच्या श्रमावरी

माझे कुटुंब पोसले

केला जुलूम अन्याय

झाले मलिन चारित्र्य

घडा पापांचा भरला

नाही उरले पावित्र्य

अती वाईट वागलो

कडू मिळाली ही फळे

आता भोगतोय दुःख

अश्रू न सांगता गळे

दिन चांगले येता मी

उतमात फार केला

नियतीस नसे मान्य

बोजवारा मग झाला

माझ्या पापांचा मी धनी

कोणी नाही वाटेकरी

जीवनाच्या भविष्याचा

मीच झालो मारेकरी

नशा माज संपत्तीचा

अंगी जडला हा रोग

दोष कुणास मी देवू

माझ्या नशिबाचे भोग

-युवराज गोवर्धन जगताप

काटेगाव ता.बार्शी

जिल्हा सोलापूर

8275171227