आईची महती

आई वात्सल्य गारवा

ऊब पदराची छाया

ऋतू मायेचा हिरवा

तिची स्वार्थहीन माया

आई क्षमेचे अंगण

गुणी संस्कारी चंदन

देई चुकीस ती माफी

तिच्या पायास वंदन

आई कष्ट रुपी झाड

करी कुटुंबाची सेवा

पोट खळगी भरण्या

घाली अन्नरूपी मेवा

आई भक्कम आधार

झाकी पंखाची चादर

आहे म्हणूनच जगी
तिच्या बद्दल आदर
आई संकटात धीर
पाठी बनून ईश्वर
मुला बनविते वीर
जरी देह हा नश्वर
आई शब्द येई मुखी
थोडी लागताही ठेच
तिची महती अपार
सत्य वैश्विक रे हेच
-युवराज गोवर्धन जगताप
काटेगाव ता. बार्शी
जिल्हा सोलापूर
8275171227