- बाया वऱ्हाड मातीले
- लावे कपायाले जवा ।
- दिसे चंडिकाचं रूप
- मले त्याईच्यात तवा ।।
- आज ईंग्रजी शिकून
- पोरी पोरं बिघडले ।
- विटीदांडू, लगोरिले
- हाये सगये भुलले ।।
- लुडो, पब्जी खेयासाठी
- पोरं वेडावून गेले ।
- आज वऱ्हाडचे पोरं
- झाले ईंग्रजांचे चेले ।।
- कायी माती वाटे घान
- ट्याटू अंगाले पाह्यजे ।
- शतपद चालायले
- बूट पायाले पाह्यजे ।।
- थोबाडात सुका खर्रा
- दात झाले कायेभोर ।
- दारु रोज सोता पिते
- लावे दुसऱ्याले घोर ।।
- कोन गरीब, सिर्मंत
- इथं कोनाले कयते? ।
- रोज सकायी सकायी
- बघा दोघंई पयते ।।
- पांडुरंगा मायबापा
- आन बळीचं शासन ।
- साडी, कुंकवात हाये
- आया बैनीचे रक्षन ।।
- -अजय रमेश चव्हाण,
- तरनोळी
- ता.दारव्हा, जि.यवतमाळ
- मो.८८०५८३६२०७