खरे तेच खरे

मीच मोठा सत्यवान

म्हणती जगात सारे

बळेच आव आणून

नाचती जगात सारे

झाकून सुर्य कधीच

लपणार नाही बारे

कुट्ट अंधारी तसेही

चमकती हेच तारे

अडवा किती तयाला

बांधून भिंती न दारे

उखडून फेकतांना

दिसतात हेच वारे

कांचन तेच कांचन

करणे न लागे गोरे

सोन्यात जीव पितळी

रंगून मिळेल कारे

असत्य भाषणातून

बोंबला कितीही मारे

बदलून जाणे नाही

असे खरे तेच खरे

-पी के पवार

सोनाळा बुलढाणा

९४२१४९०७३१