आत्मनिर्भर भारता’साठी कृषिविकासास प्राधान्य द्यावे – राज्यपाल भगत सिंह कोश्यारी

कृषी क्षेत्रात जिओ टॅगिंगसारखे होणारे नवे प्रयोग अत्यंत उपयुक्त आहेत, असे सांगून राज्यपाल म्हणाले की, स्वातंत्र्योत्तर काळात शेतकऱ्यांनी अविरत निष्ठेने केलेल्या कामगिरीमुळे देशाला उपासमारीचे संकट भेडसावण्याची वेळ आली नाही. माझी स्वत:ची बांधिलकी शेतीशी आहे. त्यामुळे शेतीविषयक संस्थांबाबत मला विशेष आस्था आहे, असे आवर्जून सांगून. डॉ. पंजाबराव देशमुख यांच्या पापळ या जन्मगावी कृषी महाविद्यालय सुरू होण्यासाठी आवश्यक ते सहकार्य केले जाईल, असे आश्वासन त्यांनी दिले. भाऊसाहेबांनी सुरू केलेली ही संस्था भविष्यात अधिक विकसित व व्यापक व्हावी, तसेच शेती अध्ययनासाठी एक आदर्श प्रारूप ठरावी,  असा आशावादही त्यांनी यावेळी व्यक्त केला.

विदर्भातील शैक्षणिक व कृषी विकासासाठी संस्थेने बजावलेल्या कामगिरीचा गौरव खासदार श्रीमती राणा यांनी आपल्या भाषणात  केला. आमदार श्रीमती खोडके यावेळी म्हणाल्या की, डॉ. पंजाबराव देशमुख यांच्या कार्यामुळेच आम्ही शिक्षण घेऊ शकलो.  शेतीकडे एक उद्योग म्हणून पाहण्याचा दृष्टिकोन विकसित होण्याची गरज असून त्यात ही संस्था महत्वाचे योगदान देत आहे. महापौर श्री. गावंडे यांचेही यावेळी भाषण झाले. संस्थेचे अध्यक्ष श्री. देशमुख यांनी कार्यक्रमाचे प्रास्ताविक केले. त्यात त्यांनी कृषी अध्ययन आणि कृषीविकासासाठी भाऊसाहेबांनी  दिलेल्या योगदानाचा गौरव करताना संस्थेची आजवरची वाटचाल विशद केली. श्री. इंगोले यांनी आभार मानले.