आईविना भिकारी
आई कुठे शोधू तुला
आज नाहीस तु घरी !!
क्षणात केलेस पोरके
सांगावे दुःख कुणाला
कुशी नाही तुझी,
नाही पदर रडायला !!
जग हे विशाल सर्व,
आहेत नाती गोती
पण,पत्येक क्षणाला
नयनी आसवे दाटती !!
तुझ्या आठवणीत आई
दिवस रात्र निघून जाते
तुझ्या संस्कारांचे मी,
पालन आवर्जून करते !!
तू जिथे कुठे असशील
बघतेस कां ग माझ्याकडे
तुझ्या आशीर्वादाची गरज
सतत मला आहे गडे !!
आई सारखे दैवत ज्याला
लाभेल भाग्य त्याला खरे
नसते आई जेव्हा, सोबतीला
कळते तिची किंमत बरे !!
– हर्षा वाघमारे
नागपूर ✍️
९९२३८१९७५२
अतिशय सुंदर 👌👌 👍
अतिशय सुंदर 👌👌👍